బాలీవుడ్ పై దృష్టి సారించిన రకుల్
cinema | Suryaa Desk | Published : Sun, Oct 01, 2023, 01:29 PM
‘కెరటం’తో తెలుగు చిత్ర పరిశ్రమలోకి అడుగుపెట్టిన రకుల్ ప్రీత్ సింగ్.. ‘వెంకటాద్రి ఎక్స్ప్రెస్’తో మొదటి విజయాన్ని దక్కించుకున్నారు. తదుపరి తెలుగులో స్టార్ హీరోస్ సరసన అవకాశాలు అందుకుని సూపర్ హిట్స్ అందుకుంది. 'కొండపొలం' తర్వాత ఆమె తెలుగులో సినిమా చేయలేదు. ప్రస్తుతం బాలీవుడ్ మీదే దృష్టి పెట్టింది. ప్రస్తుతం ఆమె చేతిలో ఇండియన్ -2తో పాటు హిందీలో మూడు చిత్రాలున్నాయి. భూమి, షెహనాజ్ గిల్, కుషా కపిలా ప్రధాన పాత్రల్లో నటిస్తోన్న చిత్రం ‘థ్యాంక్యూ ఫర్ కమింగ్’. యూత్ఫుల్ కామెడీ కథాంశంతో రూపొందిన ఈ చిత్రం త్వరలో ప్రేక్షకుల ముందుకు రానుంది. ఈ నేపథ్యంలోనే తన సినీ కెరీర్ ఎలా మొదలైందో తెలియజేస్తూ భూమి ఫడ్నేకర్ ఓ పోస్ట్ పెట్టారు. అనంతరం ఆమె రకుల్ ప్రీత్ సింగ్, అనిల్ కపూర్తోపాటు పలువురు యువ నటీనటులను ట్యాగ్ చేస్తూ.. వారి కథలనూ తెలియజేయాలని కోరారు. దీంతో రకుల్ తన సినీ ప్రయాణాన్ని సోషల్ మీడియాలో షేర్ చేసింది.
|
|