ఉత్కంఠభరితంగా యానిమల్ టీజర్
cinema | Suryaa Desk | Published : Sun, Oct 01, 2023, 02:10 PM
రణబీర్ కపూర్, సందీప్ రెడ్డి వంగా యాక్షన్ సినిమా ‘యానిమల్’ సినిమా మీద భారీ అంచనాలు నెలకొన్నాయి. రణబీర్ కపూర్ పుట్టినరోజు సందర్భంలో ఈ సినిమా టీజర్ని విడుదల చేశారు. ఈ టీజర్ తో ఈ సినిమా కథ కొంతవరకు ఊహించవచ్చు అని అనిపిస్తోంది. ఇది తండ్రీ కొడుకుల పాత్రల్లో కనిపించిన అనిల్ కపూర్, రణబీర్ కపూర్ ల మధ్య జరిగిన ఓ కథగా చెప్పొచ్చు. వారిమధ్య చాలా సంక్లిష్టమైన సంబంధం వున్నట్లు అనిపిస్తుంది. తండ్రి తనపై చేయి చేసుకున్నప్పటికీ హీరో తన తండ్రిని 'ప్రపంచంలోని ఉత్తమ తండ్రి' అని నమ్ముతాడు. ఆ తరువాత కథానాయకుడు గ్యాంగ్స్టర్గా ఎదిగి వెరీ వైలెంట్ గా మారతాడు. బాబీ డియోల్ చివరిలో విలన్ గా పరిచయమయ్యారు, ఈ ప్రచార టీజర్ ముందుగా పిల్లల గురించి రణబీర్, రష్మిక మందన్నల మధ్య చర్చతో ప్రారంభమవుతుంది. ఆమె అతనిని ఏదైనా అడగవచ్చు, కానీ తన తండ్రి గురించి ఎప్పుడూ మాట్లాడొద్దని చెప్తాడు. వీరి సంభాషణ జరుగుతున్నపుడు చూపించిన రక్తపాతం, కారు ఛేజింగ్లు, ఇంటెన్స్ ఎలిమెంట్స్ చాలా ఎక్సయిటింగా వున్నాయి. రణబీర్ రెబల్ గా మారడం అలాగే అతన్ని చాలా రా అండ్ రస్టిక్ యాక్షన్ సన్నివేశాలలో చూపించటం ఇవనీ చూస్తుంటే, ఈ సినిమా కోసం రణబీర్ కొంచెం కష్టపడ్డాడు అనే తెలుస్తోంది. ఈ చిత్రం డిసెంబర్ 1న హిందీ, తెలుగు, తమిళం, కన్నడ, మలయాళం 5 భాషల్లో విడుదల కానుంది.
|
|