స్పెషల్‌ ఎట్రాక్షన్‌గా శ్రీలీల !

ప్రస్తుతం టాలీవుడ్‌లో యంగ్‌ హీరోల నుంచి స్టార్‌ హీరోల వరకు అందరు ఎదురు చూస్తున్నారు, అందరు కోరుకుంటున్న హీరోయిన్‌ శ్రీలీల. ఒక్క సినిమాతోనే సంచలనంగా మారిందీ కుర్ర బ్యూటీ. శ్రీలీల టాలీవుడ్‌కి పట్టిన ఫీవర్‌లా మారిపోయింది ప్రస్తుతం పరిస్థితి. పవన్‌ కళ్యాణ్‌, మహేష్‌బాబుల నుంచి వైష్ణవ్‌ తేజ్‌ వరకు అందరు ఈ బ్యూటీనే కోరుకుంటున్నారు. ఆమెతో రొమాన్స్ కి సిద్ధమవుతున్నారు. ఏకంగా బాలయ్య సైతం తన నెక్ట్స్ సినిమాలో హీరోయిన్‌గా ఆమెని తీసుకోవాలనుకోవడం చూస్తుంటనే ఆమె క్రేజ్‌ ఏ రేంజ్‌లో ఉందో అర్థం చేసుకోవచ్చు. అంతగా టాలీవుడ్‌ లో సెన్సేషన్‌గా, హాట్‌ టాపిక్‌గా మారిందీ అందాల భామ. ప్రస్తుతం పది సినిమాలతో టాలీవుడ్‌ని ఊపేస్తుంది. అందులో ఒకటి `భగవంత్‌ కేసరి`. బాలకృష్ణ హీరోగా, అనిల్‌ రావిపూడి దర్శకత్వంలో రూపొందిన చిత్రమిది. కాజల్‌ హీరోయిన్‌గా చేయగా, శ్రీలీల బాలయ్యకి అన్న కూతురు పాత్రలో నటిస్తుంది. `భగవంత్‌ కేసరి` ట్రైలర్‌ ఈవెంట్‌ తాజాగా వరంగల్‌లో జరిగింది. ఇందులో శ్రీలీల స్పెషల్‌ ఎట్రాక్షన్‌గా మారింది. ఆమె లెహంగా ఓనీలో మెరిసింది. బ్లూ లెహంగా, రెడ్‌ ఓనీ వేసుకుని ఈవెంట్‌ మొత్తాన్ని తనవైపు తిప్పుకుంది. చిలిపి నవ్వులు, అల్లరి పనులతో సందడి చేసింది. అయితే ఇందులో హాఫ్‌ శారీలో పల్లెటూరి పిల్లని తలపిస్తుంది శ్రీలీల. మన పక్కింటి అమ్మాయిలా ముస్తాబై హోయలు పోయింది. సోకులన్నీ ఆరబోస్తూ కుర్రాళ్లకి కిక్కించింది. ఈవెంట్‌లో రచ్చ రచ్చ చేసింది. అయితే తనని ఎందుకు ఆర్మీలో జాయిన్‌ చేయించాలనుకుంటాడనేది ఇందులో సస్పెన్స్ గా ఉంచారు. విలన్లు ఆమెని ఎందుకు తీసుకెళ్లారు. వారిని కాపాడేందుకు బాలయ్య రావడం వంటి సీన్లు కనిపించాయి.

#Sreeleela pic.twitter.com/lhjxUTwZXb

— VD bulletin (@vdbulletin) October 9, 2023