'యానిమల్' నుంచి ఇంటెన్స్ కెమిస్ట్రీ రొమాంటిక్ ట్రాక్ విడుదల

 ది మోస్ట్‌ వైలెంట్‌ సినిమాగా తెరకెక్కుతున్న యానిమల్‌ సినిమాపై సినీ లవర్స్‌లో ఉన్న ఎగ్‌జైట్‌మెంట్ అంతా ఇంతా కాదు. బార్డర్‌లు పెట్టుకున్న టాలీవుడ్‌కే అర్జున్‌ రెడ్డి లాంటి కల్ట్‌ సినిమాతో ట్రెండ్‌ సెట్‌ చేసిన సందీప్‌ రెడ్డి.. అసలు బార్డర్‌లు లేని బాలీవుడ్‌లో యానిమల్‌తో ఇంకెంత విధ్వంసం సృష్టిస్తాడో అని అందరిలోనూ తిరుగులేని అంచనాలున్నాయి. ఇప్పటికే రిలీజైన టీజర్‌ ఏ లెవల్లో విధ్వంసం సృష్టించిందో ప్రత్యేకించి చెప్పనవసరం లేదు. మరీ ముఖ్యంగా టీజర్‌లో సందీప్‌ మార్క్‌ స్పష్టంగా కనిపించింది. డిసెంబర్‌ 1న ఈ సినిమా పాన్‌ ఇండియా లెవల్లో రిలీజ్‌ కాబోతుంది. ఇక మేకర్స్ ఇప్పటి నుంచి బ్యాక్‌ టు బ్యాక్‌ అప్‌డేట్‌లు ప్రకటిస్తూ సినిమాపై వీర లెవల్లో అంచనాలు క్రియేట్ చేస్తున్నారు.తాజాగా ఈ సినిమా ఫస్ట్‌ సింగిల్‌ను మేకర్స్‌ రిలీజ్‌ చేశారు. అమ్మాయి అంటూ సాగే మెలోడియస్‌ సాంగ్‌ శ్రోతలను తెగ ఆకట్టుకుంటుంది. మరీ ముఖ్యంగా ఈ పాటలో ఒక సీన్‌ను రిప్రజెంట్‌ చేశారు. రణ్‌బీర్‌తో పెళ్లి వద్దు అంటూ రష్మిక ఫ్యామిలీ మెంబర్స్‌ వాదిస్తుండగా.. రష్మిక మాత్రం తనే కావాలంటూ ముద్దుతో క్లారిటీ ఇవ్వడం.. ఆ తర్వాత వీళ్లు పెళ్లిచేసుకోవడం ఇలా పాటలో సీన్‌ను చూపించారు. నిర్మాతలు పాట కోసం కాస్త ఎక్కువే ఖర్చుపెట్టారు. స్క్రీన్‌పైన చూస్తుంటే చాలా రిచ్‌గా అనిపిస్తుంది. ఈ మేరకు ఓ స్పెషల్ పోస్టర్‌ను కూడా రిలీజ్‌ చేశారు. ప్రైవేట్‌ జెట్‌లో రణ్‌బీర్‌, రష్మిక లిప్‌లాక్‌ చేసుకుంటున్న పోస్టర్‌ను వదిలారు. జామ్‌8 స్వర పరిచిన ఆ పాటను రాఘవ్‌ చైతన్య, ప్రీతమ్‌ ఆలపించారు. గ్యాంగ్‌స్టర్ నేపథ్యంలో తెరకెక్కుతున్న ఈ సినిమాలో రష్మిక హీరోయిన్‌గా నటిస్తుంది.