దానికి దీనికి సంభంధం లేదు అంటున్న దర్శకుడు
cinema | Suryaa Desk | Published : Thu, Oct 12, 2023, 04:14 PM
చిరంజీవి, దర్శకుడు మల్లిడి వసిష్ఠతో ఒక ఫాంటసీ సినిమా చేస్తున్నారు అన్న సంగతి అందరికీ తెలిసిందే. ఆ సినిమా ప్రీ-ప్రొడక్షన్ పని కూడా మొదలయ్యింది. ఈ సినిమా టైటిల్ కూడా 'భూలోకవీరుడు' ఉండొచ్చు అని ఊహాగానాలు కూడా వస్తున్నాయి. ఇంతవరకు బాగానే వుంది, కానీ ఈ సినిమాలో 'జగదేకవీరుడు అతిలోకసుందరి' సినిమాకి సంబంధించి ఒక బిట్ ఉండొచ్చు అనీ ఊహాగానాలు కూడా వస్తున్నాయి. అయితే ఆ సినిమా కథకి, ఈ 'భూలోకవీరుడు' సినిమా కథకి ఎటువంటి సంబంధం లేదని, కేవలం రెండూ ఫాంటసీ సినిమా కథలు మాత్రమే అని అంటున్నారు. అయితే ఈ సినిమా గురించి అటు చిరంజీవి గానీ, నిర్మిస్తున్న యూవీ క్రియేషన్స్ కానీ, దర్శకుడు వసిష్ఠ గానీ ఎటువంటి ప్రకటన చెయ్యలేదు. ఇది కేవలం ఫాంటసీ సినిమా మాత్రమే అన్న వార్త బయటకి వచ్చింది. ఈ సినిమా షూటింగ్ కూడా త్వరలో ప్రారంభం అవుతుంది అని తెలిసింది. ఇందులో రానా దగ్గుబాటి విలన్ గా కనపడతాడు అని తెలిసింది.
|
|
