నెట్‌ఫ్లిక్స్‌లో 'ఖుషి' సెన్సేషన్
cinema | Suryaa Desk | Published : Fri, Oct 13, 2023, 08:39 PM
శివ నిర్వాణ దర్శకత్వంలో టాలీవుడ్ యంగ్ అండ్ సేనాషనల్ హీరో విజయ్ దేవరకొండ నటించిన 'ఖుషి' సినిమా సెప్టెంబర్ 1, 2023న తెలుగు, తమిళం, మలయాళం మరియు కన్నడ భాషల్లో గ్రాండ్ గా విడుదల అయ్యింది. ఈ సినిమా ప్రముఖ OTT ప్లాట్‌ఫారమ్ నెట్‌ఫ్లిక్స్ లో సంచలనం సృష్టించింది. ఇటీవలి నెట్‌ఫ్లిక్స్ ఇండియా ర్యాంకింగ్స్‌లో అక్టోబర్ 2-8, 2023 వారానికి సంబంధించిన సర్వే ప్రకారం ఈ చిత్రం యొక్క హిందీ, తెలుగు మరియు తమిళ వెర్షన్‌లు చార్ట్‌లలో వరుసగా 4వ, 5వ మరియు 10వ స్థానాలను సొంతం చేసుకున్నాయి.
విజయ్ దేవరకొండ సరసన గ్లామర్ బ్యూటీ సమంత రూత్ ప్రభు జంటగా నటించింది. ఫ్యామిలీ ఎంటర్‌టైనర్‌ ట్రాక్ లో వచ్చిన ఈ సినిమాలో సచిన్ ఖేడాకర్, మురళీ శర్మ, లక్ష్మి, అలీ, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య తదితరులు కీలక పాత్రలు పోషిస్తున్నారు. హృదయం ఫేమ్ హేషమ్ అబ్దుల్ వహాబ్ ఈ చిత్రానికి సంగీతం అందిస్తున్నారు. మైత్రీ మూవీ మేకర్స్ ఈ సినిమాని నిర్మిస్తుంది.
|
|