'సైంధవ్' టీజర్ పై ఇంట్రెస్టింగ్ బజ్
cinema | Suryaa Desk | Published : Fri, Oct 13, 2023, 08:44 PM
శైలేష్ కొలను దర్శకత్వంలో టాలీవుడ్ హీరో వెంకటేష్ తన 75వ సినిమాని అధికారికంగా ప్రకటించిన సంగతి అందరికి తెలిసిందే. ఈ సినిమాకి 'సైంధవ్' అనే టైటిల్ ని మూవీ మేకర్స్ లాక్ చేసారు. ఈ సినిమాజనవరి 13, 2024న థియేటర్‌లలో విడుదల కానుంది. లేటెస్ట్ బజ్ ప్రకారం, ఈ సినిమా టీజర్ అక్టోబర్ 16, 2023న హైదరాబాద్‌లోని AMB సినిమాస్‌లో విడుదలయ్యే అవకాశం ఉందని సోషల్ మీడియాలో పుకార్లు వినిపిస్తున్నాయి. అయితే ఈ విషయం గురించి చిత్ర నిర్మాణ బృందం నుంచి అధికారిక ప్రకటన వెలువడాల్సి ఉంది.
యాక్షన్ ఎంటర్‌టైనర్‌గా తెరకెక్కుతున్న ఈ సినిమాలో శ్రద్ధా శ్రీనాథ్ కథానాయికగా నటిస్తుంది. ఈ పాన్-ఇండియన్ ప్రాజెక్ట్ లో బేబీ సారా, బాలీవుడ్ నటుడు నవాజుద్దీన్ సిద్ధిక్, రుహాని శర్మ ముఖ్యమైన పాత్రలు పోషిస్తున్నారు. ఈ హై-వోల్టేజ్ యాక్షన్ థ్రిల్లర్ ని నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి నిర్మిస్తున్నారు. ఈ పాన్ ఇండియన్ చిత్రానికి సంతోష్ నారాయణన్ సంగీతం అందిస్తున్నారు.
|
|