ఈ నెల 26న విడుదల కానున్న పులిమేద
cinema | Suryaa Desk | Published : Mon, Oct 16, 2023, 09:15 AM
ఐన్ స్టీన్ మరియు ల్యాండ్ సినిమాస్ బ్యానర్‌పై ఏ.కె. సాజన్ దర్శకత్వంలో జోజు జార్జి , ఐశ్వర్య రాజేష్ హీరో హీరోయిన్లుగా నటిస్తోన్న చిత్రం ‘పులిమేద’. తాజాగా చిత్రయూనిట్ ట్రైలర్‌ను విడుదల చేసింది. ట్రైలర్‌తో పాటు మూవీ విడుదల తేదీని కూడా మేకర్స్ ప్రకటించారు. ఇటీవల ‘ఇరట్ట’ సినిమాతో మంచి విజయాన్ని అందుకున్న జోజు జార్జి ఈ ‘పులిమేద’ హీరోగా నటిస్తుండటంతో ఈ సినిమాపై భారీగానే అంచనాలు నెలకొన్నాయి. అలాగే తెలుగు ప్రేక్షకులకు సుపరిచితమైన ఐశ్వర్య రాజేష్ ఈ సినిమాలో మరో మంచి రోల్ ప్లే చేస్తున్నట్లుగా ఈ ట్రైలర్ చూస్తుంటే తెలుస్తుంది. ఈ సినిమాకు ఇషాన్ దేవ్ సంగీతం అందించగా.. రఫీక్ అహమ్మద్, డాక్టర్ తార, జయశంకర్ ఫాదద్ మైఖేల్ సినిమాలోని పాటలకు సాహిత్యం అందించారు. బాలచందర్ మీనన్, క్రీమ్బెన్ వినోద్, జానీ అంథోని, జాఫర్ ఇడుక్కి, జియో బేబీ, అబు సలీమ్, సోనా నాయర్, కృష్ణ ప్రభ, పూలే విల్సన్, శిబిల తదితరులు ఈ సినిమాలో నటించారు. అక్టోబర్ 26న ప్రేక్షకుల ముందుకు రాబోతుంది.
|
|