ట్రెండింగ్
రాజకీయ నేపథ్యంలో నడిచే కధే ‘నేనెక్కడున్నా’
cinema | Suryaa Desk | Published : Tue, Oct 17, 2023, 10:46 AM
మిథున్‌ చక్రవర్తి కుమారుడు మిమో చక్రవర్తి హీరోగా నటించిన చిత్రం ‘నేనెక్కడున్నా’. సశా ఛెత్రి కథానాయిక. మాధవ్‌ కోదాడ దర్శకుడిగా పరిచయం అవుతున్నారు. నవంబరు 17న ఈ చిత్రాన్ని విడుదల చేస్తారు. దర్శకుడు మాట్లాడుతూ ‘‘రాజకీయం, జర్నలిజం నేపథ్యంలో సాగే చిత్రమిది. మీడియాని పాలిటిక్స్‌ ఎలా ప్రభావితం చేస్తున్నాయి? అనే విషయం చుట్టూ కథ నడుస్తుంది. అమ్మాయిలకు కనెక్ట్‌ అయే సన్నివేశాలు ఈ చిత్రంలో చాలా ఉన్నాయి. ఊహకు అందని మలుపులతో ఆకట్టుకొంటుంద’’న్నారు. ‘‘ఫస్ట్‌ కాపీ రెడీ అయ్యింది. పాటలు బాగా వచ్చాయి. ముఖ్యంగా పబ్‌లో తెరకెక్కించిన గీతం ప్రత్యేక ఆకర్షణ’’ అని నిర్మాత మారుతి శ్యాంప్రసాద్‌ రెడ్డి తెలిపారు.
|
|