‘జపాన్’ చిత్రం నుండి పాట విడుదల
cinema | Suryaa Desk | Published : Wed, Oct 25, 2023, 03:51 PM
హీరో కార్తీ .. ప్రస్తుతం తన 25వ చిత్రం ‘జపాన్’ చేస్తున్నారు. ‘జోకర్’ ఫేమ్ రాజు మురుగన్ దర్శకత్వం వహించిన ఈ హీస్ట్ థ్రిల్లర్‌ని డ్రీమ్ వారియర్ పిక్చర్స్ పతాకంపై ఎస్ ఆర్ ప్రకాష్ బాబు, ఎస్ ఆర్ ప్రభు నిర్మించారు. అన్నపూర్ణ స్టూడియోస్ సంస్థ ఈ సినిమాని తెలుగు రాష్ట్రాలలో గ్రాండ్‌గా విడుదల చేయబోతోంది. రీసెంట్‌గా విడుదలైన ‘జపాన్’ టీజర్ మంచి స్పందనను రాబట్టుకోగా.. తాజాగా మేకర్స్ ఈ సినిమా మ్యూజికల్ జర్నీని స్టార్ట్ చేశారు. ‘జపాన్’ ఫస్ట్ సింగిల్ ‘టచ్చింగ్ టచ్చింగ్’ లిరికల్ సాంగ్‌ని విజయదశమి స్పెషల్‌గా విడుదల చేశారు. ప్రస్తుతం ఈ పాట టాప్‌లో ట్రెండ్ అవుతోంది. ఈ మధ్య బిజీ మ్యూజిక్ డైరెక్టర్‌గా మారిన జీవీ ప్రకాష్ కుమార్ ఈ పాటని పెప్పీ అండ్ మాసీ నెంబర్‌గా కంపోజ్ చేశారు. హీరో కార్తీ, సింగర్ ఇంద్రావతి చౌహాన్‌ తో కలసి ఎంతో ఎనర్జిటిక్‌‌గా ఈ పాటని ఆలపించడం విశేషం. భాస్కరభట్ల అందించిన లిరిక్స్ మరో ఆకర్షణగా నిలిచాయి. పాటలో కార్తీ, అను ఇమ్మాన్యుయేల్‌ ల కెమిస్ట్రీ కలర్ ఫుల్‌గా వుంది.
|
|