ఎక్స్‌ట్రా ఆర్డినరీ మ్యాన్ : రాజశేఖర్ పాత్ర గురించి వివరాలను వెల్లడించిన నితిన్

టాలీవుడ్ యంగ్ అండ్ టాలెంట్ హీరో నితిన్ తన 32వ చిత్రాన్ని రచయిత-దర్శకుడు వక్కంతం వంశీతో చేస్తున్నట్లు అధికారికంగా ప్రకటించిన సంగతి అందరికి తెలిసిందే. ఈ యాక్షన్ ఫిల్మ్‌లో నితిన్‌కి జోడిగా శ్రీలీల నటించనుంది. ఈ చిత్రానికి 'ఎక్స్‌ట్రార్డినరీ మ్యాన్‌' అనే టైటిల్‌ ని మూవీ మేకర్స్ లాక్ చేసారు.

ఈ సినిమాలో యాంగ్రీ  మాన్ రాజశేఖర్ నెగిటివ్ రోల్ పోషిస్తున్నాడని మూవీ మేకర్స్ అనౌన్స్ చేయడంతో సినీ అభిమానులు షాక్ అయ్యారు. గతంలో, రామ్ చరణ్ ధృవ సినిమాలో రాజశేఖర్ విలన్ పాత్రను చేయవలసి ఉంది కానీ కొన్ని కారణాల వాళ్ళ ఈ చిత్రాన్ని చేయలేదు. ఇటీవలి ఇంటర్వ్యూలో, నితిన్ ఎక్స్‌ట్రా ఆర్డినరీ మ్యాన్‌లో రాజశేఖర్ పాత్ర గురించి ఆసక్తికరమైన వివరాలను వెల్లడించారు.

వక్కంతం వంశీ మొదటి నుంచీ రాజశేఖర్‌ని ఒక ముఖ్యమైన పాత్ర కోసం చూస్తున్నారని నితిన్ చెప్పారు. వంశీ వెళ్లి రాజశేఖర్ గారికి స్క్రిప్ట్ చెప్పగా రాజశేఖర్ గారు ఒప్పుకున్నారు. రాజశేఖర్ గారు చాలా కాలంగా పలు స్క్రిప్ట్‌లు వింటున్నారు కానీ అవి ఆసక్తికరంగా అనిపించలేదు. కానీ ఆయన కథ విన్న వెంటనే మా సినిమాలో భాగం కావడానికి అంగీకరించారు. అతనితో కలిసి పని చేయడం చాలా ఆనందంగా ఉంది అని నితిన్ అన్నారు.

నటుడు ఇంకా మాట్లాడుతూ.... రాజశేఖర్ గారు సినిమా సెకండాఫ్‌లో 30 నిమిషాల పాటు కనిపిస్తారు. అతనికి సంబంధించిన సన్నివేశాలన్నీ ఫన్నీగా ఉంటాయి. ఇన్నాళ్లూ జనాలు ఆయన్ను ఇంటెన్స్ రోల్స్‌లో చూశారు కానీ ఎక్స్‌ట్రా ఆర్డినరీ మ్యాన్‌లో మాత్రం అందుకు రివర్స్ లో చేశాడు. రాజశేఖర్ గారు ఈ పాత్ర చేయడం మాకు చాలా హెల్ప్ అవుతుంది అన్నారు.

డిసెంబర్ 8, 2023న ఈ సినిమా గ్రాండ్ రిలీజ్ కి సిద్ధంగా ఉంది. రాజశేఖర్, రావు రమేష్, సంపత్ తదితరులు ఈ సినిమాలో కీలక పాత్రలు పోషించారు. శ్రేష్ట్ మూవీస్, ఆదిత్య మూవీస్ అండ్ ఎంటర్‌టైన్‌మెంట్స్ పతాకాలపై నితిన్ 32ని సుధాకర్ రెడ్డి, నికితారెడ్డి నిర్మిస్తున్నారు. హారిస్ జైరాజ్ ఈ సినిమాకి సంగీతం అందిస్తున్నారు.