'విశ్వంభర' లో చిరంజీవి పాత్రపై లేటెస్ట్ బజ్
cinema | Suryaa Desk | Published : Wed, Nov 29, 2023, 07:29 PM
టాలీవుడ్ మెగాస్టార్ చిరంజీవి బింబిసార ఫేమ్ దర్శకుడు వస్సిష్ట మల్లిడితో కలిసి ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ భారీ బడ్జెట్ సినిమాకి 'విశ్వంభర' అనే టైటిల్ ని మూవీ మేకర్స్ లాక్ చేసారు. విశ్వంభర సినిమా చిరంజీవి కెరీర్‌లో 156వ ప్రాజెక్ట్.
తాజాగా విశ్వంభర సినిమా నుంచి చిరంజీవి పాత్రకు సంబంధించిన ఆసక్తికరమైన లీక్ వచ్చింది. ఈ చిత్రంలో చిరు దొరబాబు అనే సామాన్యుడి పాత్రలో కనిపించబోతున్నట్లు వార్తలు వస్తున్నాయి. గోదావరి జిల్లాలకు చెందిన వ్యక్తిగా చిరు తన స్క్రీన్‌ ప్రెజెన్స్‌ని ప్రదర్శించనున్నారు. చిరంజీవి డైలాగ్స్ అన్నీ గోదావరి యాసలో ఉండబోతున్నాయి అని సమాచారం.
గ్రాండ్ విజువల్స్ తో అత్యంత థ్రిల్లింగ్ గా ఈ సినిమా ఉండబోతుంది అని ఫిలిం సర్కిల్ లో లేటెస్ట్ టాక్. ఇటీవలే మారేడుమిల్లిలో ఈ సినిమా రెగ్యులర్ షూటింగ్ ప్రారంభమైంది. ప్రముఖ నిర్మాణ సంస్థ UV క్రియేషన్స్ ఈ ప్రతిష్టాత్మక ప్రాజెక్ట్‌ని నిర్మిస్తుంది. ఈ సినిమాకి ఆస్కార్ విన్నింగ్ కంపోజర్ MM కీరవాణి సౌండ్‌ట్రాక్‌ను స్కోర్ చేస్తున్నారు.
|
|