'గేమ్ ఛేంజర్' విడుదలపై లేటెస్ట్ బజ్
cinema | Suryaa Desk | Published : Sat, Dec 09, 2023, 03:21 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ తన 15వ సినిమా చేస్తున్న సంగతి తెలిసిందే. ఈ చిత్రానికి 'గేమ్ ఛేంజర్' అనే టైటిల్ ని మూవీ మేకర్స్ లాక్ చేసారు. ఇప్పటివరకు, చిత్ర బృందం ఈ సినిమా విడుదల తేదీని వెల్లడించలేదు. ఇదే విషయమై దిల్ రాజును చాలా సందర్భాల్లో అడిగితే షూటింగ్ పూర్తయిన తర్వాతే విడుదల తేదీని ప్రకటిస్తామని చెప్పారు. తాజా అప్డేట్ ప్రకారం, ఈ చిత్రాన్ని దసరా 2024 లేదా సంక్రాంతి సమయంలో విడుదల చేయడానికి మూవీ టీమ్ ప్లాన్ చేస్తున్నట్లు వార్తలు వినిపిస్తున్నాయి.
ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్, హ్యారీ జోష్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.
|
|