ఇంద్రకీలాద్రి దుర్గమ్మను దర్శించుకున్న విక్టరీ వెంకటేష్
cinema | Suryaa Desk | Published : Mon, Dec 11, 2023, 12:56 PM
హీరో విక్టరీ వెంకటేష్ నటించిన సైంధవ చిత్రం విడుదలకు సిద్ధమవుతోంది. జనవరి 13న సంక్రాంతి కానుకగా ఈ సినిమా విడుదలయ్యే అవకాశం ఉన్నట్లు తెలుస్తోంది. ఈ సైంధవ్ చిత్రంలో బాలీవుడ్ నటుడు నవాజుద్దీన్ సిద్ధిఖీ, తమిళ నటుడు ఆర్య, రుహాని శర్మ తదితరులు ముఖ్య పాత్రలు పోషిస్తున్నారు.ఈ సినిమా విడుదలకు మరికొద్ది రోజులు మాత్రమే సమయం ఉండడంతో మేకర్స్ ప్రమోషన్స్ స్పీడ్ పెంచారు. ఈ క్రమంలో చిత్ర యూనిట్ విజయవాడలోని కనకదుర్గమ్మను దర్శించుకున్నారు. హీరో వెంకటేష్, దర్శకుడు హీరోయిన్ శ్రద్ధా శ్రీనాథ్‌తో కలిసి అమ్మవారిని దర్శించుకుని ప్రత్యేక పూజలు చేశారు.
సినిమా విజయం సాధించాలని అమ్మను వేడుకున్నారు చిత్ర యూనిట్. ఆలయ అధికారులు సత్కరించారు.. వేదపండితులు ప్రత్యేక పూజలు నిర్వహించి తీర్థప్రసాదాలు అందజేశారు.. వెంకటేష్ రాకను తెలుసుకున్న అభిమానులు ఆలయ ప్రాంగణంలో క్యూ కట్టారు.. సెల్ఫీలు దిగారు.. అనంతరం విజయవాడలోని బాబాయి హోటల్ వద్ద సందడి చేశారు. ..వెంకటేష్ టిఫిన్ చేయడానికి బాబాయి హోటల్ కి వచ్చాడు. స్థానికులు సెల్ఫీలు దిగారు.. అక్కడ సందడి వాతావరణం నెలకొంది.. ఇందుకు సంబంధించిన ఫొటోలు సోషల్ మీడియాలో వైరల్ అవుతున్నాయి..
|
|