యానిమల్‌ నటుడు పెళ్ళి ఫోటోలు వైరల్
cinema | Suryaa Desk | Published : Mon, Dec 11, 2023, 12:00 PM
బాలీవుడ్‌ నటుడు కునాల్‌ ఠాకూర్‌, నటి ముక్తి మోహన్‌ను వివాహం చేసుకుని ఓ ఇంటివాడయ్యాడు. ఇన్స్టాగ్రామ్‌ వేదికగా వీరి పెళ్ళి ఫొటోలను షేర్‌ చేశారు. ఈ సందర్భంగా అభిమానుల బ్లెస్సింగ్స్‌ కావాలని కోరారు. నెటిజన్లు, పలువురు సినీ ప్రముఖులు నూతన జంటకు శుభాకాంక్షలు తెలిపారు. కబీర్‌ సింగ్‌, యానిమల్‌ తదితర చిత్రాల్లో కునాల్‌ ఠాకూర్‌ నటించాడు. ముక్తి లస్ట్‌ స్టోరీస్‌ 2, థార్‌ వంటి సినిమాల్లో నటించి మెప్పించింది.
'కబీర్‌సింగ్‌', 'యానిమల్‌' తదితర చిత్రాల్లో కునాల్‌ నటించారు. ఇటీవల విడుదలై మంచి విజయం అందుకున్న 'యానిమల్‌'లో హీరోయిన్‌తో నిశ్చితార్థం చేసుకునే అబ్బాయిగా కనిపిస్తారాయన. రణ్‌బీర్‌ కపూర్‌, రష్మిక, అనిల్‌ కపూర్‌, బాబా దేవోల్‌ ప్రధాన పాత్రల్లో టాలీవుడ్‌ దర్శకుడు సందీప్‌ రెడ్డి వంగా తెరకెక్కించిన చిత్రమిది. ముక్తి మోహన్‌ విషయానికొస్తే.. నటనతోపాటు ఆమె డ్యాన్సర్‌గాను మంచి గుర్తింపు తెచ్చుకున్నారు. 'థార్‌', 'లస్ట్‌ స్టోరీస్‌ 2' తదితర హిందీ సినిమాల్లో కీలక పాత్రలు పోషించిన ఆమె.. తెలుగు చిత్రం 'దరువు'లోని ఓ ఐటెం సాంగ్‌తో ఆకట్టుకున్నారు. ఇందులో రవితేజ హీరో.
|
|