సోషల్ మీడియాలో వైరల్ అవుతున్న విద్యుత్ దేవ్ సింగ్ న్యూడ్‌ ఫోటోలు

చేసింది కొద్ది సినిమాలే అయిన‌ప్ప‌టికీ దేశ‌వ్యాప్తంగా అభిమానుల‌ను, పేరును సంపాదించుకున్న బాలీవుడ్ న‌టుడు విద్యుత్ దేవ్ సింగ్ జ‌మ్వాల్‌ ఇప్పుడు ఒక్క‌సారిగా న్యూడ్‌గా ద‌ర్శ‌నం ఇచ్చి అంద‌రికీ షాక్ ఇచ్చాడు. ఒంటిపై నూలు పోగు లేకుండా హిమాల‌యాల్లోని నీళ్లలో ఈత కొట్టుకుంటూ, వంట చేస్తున్న ఫొటోల‌ను సోష‌ల్ మీడియాలో షేర్ చేయ‌గా అవి ఇప్పుడు నెట్టింట ర‌చ్చ చేస్తున్నాయి. అయితే ఆమ‌ధ్య బాలీవుడ్ స్టార్ రణ్‌వీర్ సింగ్, త‌మిళ హీరో గుత్తా జ్వాల భ‌ర్త‌ విష్ణు విశాల్‌ న్యూడ్‌గా ఫొటో షూట్స్ చేసి సంచ‌ల‌నం సృష్టించ‌గా ఇప్పుడు విద్యుత్ జ‌మ్వాల్ ఫొటోలు అంత‌కుమించి అనేలా ఉన్నాయి.జ‌మ్మూ కాశ్మీర్‌కు చెందిన జ‌మ్వాల్‌ మార్ష‌ల్ ఆర్ట్స్ శిక్ష‌కుడు కూడా. మూడేండ్ల వ‌య‌స్సు నుంచే మార్ష‌ల్ ఆర్ట్స్‌, కలరిపయట్టు వంటి వాటిలో శిక్ష‌ణ తీసుకుని దాదాపు 25 దేశాల‌లో ప్ర‌ద‌ర్శ‌న‌లు ఇచ్చి ఆవార్డులు గెలుచుకున్నాడు. 2011లో తెలుగులో జూనియ‌ర్ ఎన్టీఆర్ హీరోగా వ‌చ్చిన శ‌క్తి సినిమాలో ప్ర‌తి నాయ‌కుడి పాత్ర పోషించడం ద్వారా సినిమాల్లోకి అడుగుపెట్టిన ఈ న‌టుడు ఆ త‌ర్వాత ఎన్టీఆర్ ఊస‌ర‌వెళ్లి సినిమాలోనూ విల‌న్‌గా న‌టించాడు. అటు త‌ర్వాత త‌మిళంలో వ‌చ్చిన తుపాకీ సినిమాలో విల‌న్‌గా చేసి మంచి గుర్తింపు తెచ్చుకున్నాడు.2011లోనే జాన్ అబ్ర‌హం హీరోగా న‌టించిన‌ ఫోర్స్ సినిమాలో విల‌న్‌గా బాలీవుడ్‌లో అడుగుపెట్టి ఆ త‌ర్వాత హీరోగా మారి క‌మాండో1, 2 చిత్రాల‌తో జాతీయ స్థాయిలో ఐడెంటిటీ తెచ్చుకున్నాడు. ఆదే క్ర‌మంలో మ‌రో నాలుగైదు సినిమాలు చేస్తూ ఫుల్ బిజీగా మారాడు. జ‌మ్వాల్  సినిమా రంగంలోకి వ‌చ్చి 12 యేండ్లు అవుతున్నా ఇప్ప‌టికీ ఆయ‌న చేసిన సినిమాలు 20 మాత్ర‌మే. చివ‌ర‌గా తెలుగు డైరెక్ట‌ర్‌ సంక‌ల్ప్ రెడ్డి దర్శ‌క‌త్వం వహించిన బాలీవుడ్ చిత్రం ఐబీ 71 చిత్రంలో న‌టించ‌డ‌మే కాక నిర్మాణం కూడా చేశాడు.