USAలో 2500 ప్రీమియర్ షోలతో 'సాలార్' విడుదల
cinema | Suryaa Desk | Published : Thu, Dec 21, 2023, 02:32 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. లేటెస్ట్ రిపోర్ట్స్ ప్రకారం, ఈ తెలుగు బిగ్గీ కోసం USA అంతటా 2500 కంటే ఎక్కువ ప్రీమియర్ షోలను ఏర్పాటు చేసినట్లు లేటెస్ట్ న్యూస్. హాలీవుడ్ సూపర్ హీరో చిత్రం ఆక్వామ్యాన్ అండ్ ది లాస్ట్ కింగ్‌డమ్ విడుదలైన సమయంలో ఈ ఘనతను నిర్వహించడం చిన్న విజయం కాదు. భారీ ఓపెనింగ్స్‌తో భారీ అంచనాలు నెలకొని ఉండటంతో ప్రభాస్ అభిమానులు ఈ చిత్రాన్ని ముందుగా చూడటానికి ఆసక్తిగా ఎదురుచూస్తున్నారు.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|