ట్రెండింగ్
కాన్సులేట్‌ల కోసం 'డుంకి' ప్రత్యేక స్క్రీనింగ్
cinema | Suryaa Desk | Published : Wed, Dec 27, 2023, 02:04 PM
రాజ్‌కుమార్ హిరానీ దర్శకత్వంలో బాలీవుడ్ స్టార్ హీరో షారుఖ్ ఖాన్ నటించిన డుంకి చిత్రం ప్రపంచవ్యాప్తంగా భారీ స్థాయిలో విడుదలయ్యింది. ఈ ఫ్యామిలీ డ్రామాకి మిశ్రమ స్పందన వస్తోంది. ప్రపంచవ్యాప్తంగా ఈ సినిమా విడుదలైన 4 రోజుల్లో 211.13 కోట్ల గ్రాస్ వసూళ్లు చేసింది.
తాజా సమాచారం ప్రకారం, చిత్రనిర్మాతలు ముంబైలో డిసెంబర్ 28, 2023న వివిధ దేశాల కాన్సులేట్‌ల కోసం ప్రత్యేక ప్రదర్శనను నిర్వహిస్తున్నారు. అతి త్వరలోనే ఈ విషయం గురించి మేకర్స్ నుండి అధికారిక ప్రకటన వెలువడనుంది.
ఈ ఎమోషనల్ కామెడీ ఎంటర్‌టైనర్ లో తాప్సీ, విక్కీ కౌశల్, బోమన్ ఇరానీ కీలక పాత్రలు పోషించారు. రెడ్ చిల్లీస్ ఎంటర్‌టైన్‌మెంట్, రాజ్‌కుమార్ హిరానీ ఫిల్మ్స్, జియో స్టూడియోస్ బ్యానర్‌లపై గౌరీ ఖాన్, రాజ్‌కుమార్ హిరానీ నిర్మిస్తున్న ఈ చిత్రానికి ప్రీతమ్ సంగీతం అందించారు.
|
|