కమల్ హాసన్ 'థగ్ లైఫ్' మొదటి షెడ్యూల్ ప్రారంభం అప్పుడేనా?
cinema | Suryaa Desk | Published : Sat, Jan 06, 2024, 07:00 PM
ఉలగనాయగన్ కమల్ హాసన్ మరియు స్టార్ దర్శకుడు మణిరత్నం దాదాపు 17 సంవత్సరాల తర్వాత కలిసి ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ సినిమాకి 'థగ్ లైఫ్' అనే టైటిల్ ని మూవీ మేకర్స్ లాక్ చేసారు. ఈ సినిమా ప్రస్తుతం ప్రీ-ప్రొడక్షన్ దశల్లో ఉంది.
తాజా అప్డేట్ ప్రకారం, థగ్ లైఫ్ మొదటి షెడ్యూల్ జనవరి 18, 2024 న చెన్నైలోని ఒక కళాశాలలో ప్రారంభం కానుంది. కమల్ హాసన్ మరియు ఇతర నటీనటులు ఈ షెడ్యూల్‌లో పాల్గొననున్నారు అని సమాచారం. త్వరలో ఈ విషయం గురించి మూవీ మేకర్స్ నుంచి అధికారిక ప్రకటన వచ్చే అవకాశం ఉంది.
ఈ సినిమాలో త్రిష కృష్ణన్, దుల్కర్ సల్మాన్, గౌతమ్ కార్తీక్ మరియు జయం రవి కీలక పాత్రలో నటిస్తున్నారు. రాజ్ కమల్ ఇంటర్నేషనల్ ఫిల్మ్స్ మరియు మద్రాస్ టాకీస్ బ్యానర్లపై కమల్ హాసన్, మణిరత్నం, ఆర్. మహేంద్రన్, మరియు శివ అనంతి సంయుక్తంగా ఈ చిత్రాన్ని నిర్మిస్తున్నారు. ఈ చిత్రానికి ప్రతిభావంతులైన ఏఆర్ రెహమాన్ సంగీతం అందించనున్నారు.
|
|