బజ్ - 'విశ్వంభర' లో చిరంజీవి పేరు ఇదేనా
cinema | Suryaa Desk | Published : Wed, Jan 31, 2024, 03:20 PM
టాలీవుడ్ మెగాస్టార్ చిరంజీవి బింబిసార ఫేమ్ దర్శకుడు వస్సిష్ట మల్లిడితో కలిసి ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి 'విశ్వంభర' అనే టైటిల్‌ను మూవీ మేకర్స్ లాక్ చేసారు. అతి త్వరలో చిరంజీవి ఈ ఫాంటసీ డ్రామా సెట్స్‌పైకి వెళ్లనున్నారు. తాజాగా ఇప్పుడు ఈ సినిమాలో చిరంజీవి పాత్రకు 'దొరబాబు' అని పేరు పెట్టినట్లు వార్తలు వినిపిస్తున్నాయి. ఈ చిత్రంలో మెగాస్టార్ రాయల్ లుక్‌లో కనిపించనున్నట్లు సమాచారం.
ఈ సినిమాలో త్రిష కథానాయికగా నటిస్తుంది. రచయిత-నటుడు నుండి దర్శకుడిగా మారిన హర్ష వర్ధన్ ఈ చిత్రంలో ఒక ముఖ్యమైన పాత్ర పోషిస్తున్నారు. ఈ భారీ బడ్జెట్ సినిమా చిరంజీవి కెరీర్‌లో 156వ ప్రాజెక్ట్. ఈ సినిమాకి ఆస్కార్ విన్నింగ్ కంపోజర్ MM కీరవాణి సౌండ్‌ట్రాక్‌ను స్కోర్ చేస్తున్నారు. ప్రముఖ నిర్మాణ సంస్థ UV క్రియేషన్స్ ఈ ప్రతిష్టాత్మక ప్రాజెక్ట్‌ని నిర్మిస్తుంది.
|
|