'గేమ్ ఛేంజర్' విడుదల మరింత ఆలస్యం కానుందా?
cinema | Suryaa Desk | Published : Fri, Feb 02, 2024, 03:41 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ తన 15వ సినిమా చేస్తున్న సంగతి తెలిసిందే. ఈ చిత్రానికి 'గేమ్ ఛేంజర్' అనే టైటిల్ ని మూవీ మేకర్స్ లాక్ చేసారు. కొన్ని వారాల క్రితం, నిర్మాత దిల్ రాజు గేమ్ ఛేంజర్ సెప్టెంబర్ 2024 విడుదల చేస్తున్నట్లు ప్రకటించారు.
అయితే పవన్ కళ్యాణ్ దే కాల్ హిమ్ OG సెప్టెంబర్ 27, 2024న విడుదల కానున్నందున గేమ్ ఛేంజర్ దసరా సీజన్ విడుదలను ఎంచుకోవచ్చని పుకార్లు వస్తున్నాయి. ఈ విషయం గురించి మూవీ మేకర్స్ నుండి అధికారిక అప్‌డేట్స్ కోసం ప్రేక్షకులు ఆసక్తిగా ఎదురుచూస్తున్నారు.
ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్, హ్యారీ జోష్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు.
ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.
|
|