ఈ నెల 23న విడుదల కానున్న ‘మస్తు షేడ్స్‌ ఉన్నాయిరా’
cinema | Suryaa Desk | Published : Mon, Feb 12, 2024, 11:17 AM
అభినవ్‌ గోమఠం హీరోగా, వైశాలి రాజ్‌ హీరోయిన్‌గా నటించిన ‘మస్తు షేడ్స్‌ ఉన్నాయిరా’ చిత్రం ఈ నెల 23న విడుదల కానుంది. తిరుపతిరావు ఇండ్ల దర్శకత్వంలో భవాని కాసుల, ఆరెమ్‌ రెడ్డి, ప్రశాంతి నిర్మించారు. ఈ సినిమా ట్రైలర్‌ను ఇటీవల హీరో నిఖిల్‌ విడుదల చేశారు. ఆయన మాట్లాడుతూ ‘అభినవ్‌లో నిజంగానే చాలా షేడ్స్‌ ఉన్నాయి. సెట్‌లో అందర్నీ నవ్విస్తుంటాడు. నాకు మంచి స్నేహితుడు. ఈ సినిమా బాగుందని కొందరు చెప్పడంతో ఈ ఫంక్షన్‌కు వచ్చాను. అభినవ్‌కు ఈ సినిమా హీరోగా మంచి బిగినింగ్‌ అందించాలని కోరుకుంటున్నాను’ అన్నారు. ‘నా లైఫ్‌లో ఇది స్పెషల్‌ మూమెంట్‌. హీరోగా నాకు చాలా ఆఫర్లు వచ్చాయి కానీ నాకు తగ్గ కథ కోసం ఎదురు చూసి ఈ సినిమా ఎంచుకున్నాను. నిఖిల్‌ నాకు మంచి స్నేహితుడు. ఆయన ఈ సినిమా ట్రైలర్‌ విడుదల చేయడం ఆనందంగా ఉంది. ఈ చిత్రం తప్పకుండా అందరికీ నచ్చుతుందనే అనుకుంటున్నాను’ అన్నారు అభినవ్‌. చిన్న సినిమా అయినా కంటెంట్‌ బాగుంటే ప్రేక్షకులు ఆదరిస్తారు కనుక మా సినిమా విజయంపై నమ్మకం ఉందని దర్శకుడు తిరుపతిరావు చెప్పారు. అందరూ ఫ్యామిలీతో చూడతగ్గ చిత్రం ఇదని నిర్మాత కాసుల భవాని చెప్పారు.
|
|