'కంగువ' గురించిన లేటెస్ట్ అప్డేట్
cinema | Suryaa Desk | Published : Sun, Feb 18, 2024, 04:59 PM
కోలీవుడ్ స్టార్ హీరో సూర్య తన తదుపరి సినిమాని దర్శకుడు సిరుత్తై శివతో అధికారకంగా ప్రకటించిన సంగతి అందరికి తెలిసిందే. ఈ పీరియాడికల్ యాక్షన్ డ్రామాకు 'కంగువ' అనే టైటిల్‌ని మూవీ మేకర్స్ లాక్ చేసారు. ఈ చిత్రం యొక్క యాక్షన్ ప్యాక్డ్ టీజర్ అభిమానులలో మరియు ట్రేడ్ వర్గాల్లో అంచనాలను పెంచింది.
తాజాగా ఇప్పుడు నటుడు సూర్య DI (డిజిటల్ ఇంటర్మీడియట్) సూట్‌ను సందర్శించి తన కంగువ బృందాన్ని ఆశ్చర్యపరిచాడు. డిఐ సూట్‌లోని సూర్య, దర్శకుడు సిరుత్తై శివ, కలరిస్ట్ రాజశేఖర్ మరియు మరికొందరు ఉన్న పిక్ ఇప్పుడు సోషల్ మీడియాలో వైరల్ అవుతోంది.
ఈ ప్రాజెక్ట్ గురించి సూర్య చాలా ఎగ్జైట్‌గా ఉన్నాడు. అందుకే కంగువకు సంబంధించిన అన్ని అంశాలను పర్యవేక్షిస్తునట్లు సమాచారం. పోస్ట్ ప్రొడక్షన్ పనులు శరవేగంగా జరుగుతున్నాయి. ఈ సినిమాలో బాలీవుడ్ బ్యూటీ క్వీన్ దిశా పటానీ సూర్య సరసన జోడిగా నటిస్తుంది.
ఈ సినిమా ఏప్రిల్ 11న ప్రేక్షకుల ముందుకు రానుంది. ఈ మాస్‌ ఎంటర్‌టైనర్‌కి దేవిశ్రీ ప్రసాద్‌ సంగీతం అందించనున్నారు. స్టూడియో గ్రీన్, యువి క్రియేషన్స్ బ్యానర్లపై వంశీకృష్ణ, ప్రమోద్, కెఇ జ్ఞానవేల్రాజా ఈ చిత్రాన్ని నిర్మిస్తున్నారు.
|
|