సంతోషకమైన, దుఃఖమైనా మీతోనే పంచుకుంటా
cinema | Suryaa Desk | Published : Fri, Mar 15, 2024, 03:41 PM
తన అభిమానులతో హీరో శివకార్తికేయన్‌ ప్రత్యేకంగా భేటీ అయ్యారు. పోరూర్‌ లోని ఓ కల్యాణమండపంలో జరిగిన ఈ సమావేశానికి రాష్ట్రం నలుమూలల నుంచి ఎస్కే అభిమానులు హాజరయ్యారు. వారితో ఆయన మాడ్లాడారు. తన కష్టనష్టాలను చెప్పుకునేందుకు తల్లిదండ్రులు లేరని, సంతోషకమైన, దుఃఖమైనా మీతోనే పంచుకుంటానని చెప్పారు. ఆ తర్వాత ఆయన తన అభిమానులతో కలిసి ఫొటోలు దిగారు. వారితో కలిసి విందుభోజనం చేశారు. కాగా, తమిళ చిత్రపరిశ్రమలో ప్రముఖ హీరోగా గుర్తింపుపొందిన శివకార్తికేయన్‌ నటించిన చిత్రాలు కలెక్షన్ల వర్షం కురిపిస్తున్నాయి. ప్రస్తుతం ఆయన రాజ్‌కుమార్‌ పెరియస్వామి దర్శకత్వంలో ‘అమరన్‌’ అనే పేరుతో తెరకెక్కుతున్న చిత్రంలో నటిస్తున్నారు. ఈ చిత్రాన్ని అగ్ర నటుడు కమల్‌ హాసన్‌ నిర్మిస్తున్నారు. అలాగే, ఏఆర్‌.మురుగదాస్‌ దర్శకత్వంలో కూడా ఆయన ఓ చిత్రం చేస్తున్నారు. రీసెంట్‌గా ఆయన నటించిన ‘అయలాన్’ మంచి విజయాన్నే అందుకుంది.
|
|
