'భూతద్దం భాస్కర్ నారాయణ' డిజిటల్ ఎంట్రీ ఎప్పుడంటే...!
cinema | Suryaa Desk | Published : Tue, Mar 19, 2024, 04:17 PM
పురుషోత్తం రాజ్ దర్శకత్వంలో శివ కందుకూరి నటించిన 'భూతద్దం భాస్కర్ నారాయణ' చిత్రం మార్చి 1, 2024న విడుదల అయ్యింది. ఈ ఇన్వెస్టిగేటివ్ థ్రిల్లర్ యొక్క డిజిటల్ స్ట్రీమింగ్ రైట్స్ ని ఆహా సొంతం చేసుకున్న సంగతి అందరికి తెలిసిందే. తాజాగా ఇప్పుడు ఈ సినిమా మార్చి 22న డిజిటల్ స్ట్రీమింగ్ కి అందుబాటులోకి రానున్నట్లు సమాచారం. ఈ విషయాన్ని స్ట్రీమింగ్ ప్లాట్ఫారం అధికారకంగా సోషల్ మీడియాలో సరికొత్త పోస్టర్ ని విడుదల చేసి ప్రకటించారు.
ఈ సినిమాలో శివకి జోడిగా రాశి సింగ్ నటిస్తుంది. ఈ చిత్రంలో చాయ్ బిస్కెట్ ఫేమ్ నటుడు అరుణ్ కుమార్‌తో పాటు దేవి ప్రసాద్, వర్షిణి సౌందర్‌రాజన్, శివ కుమార్, షఫీ, శివన్నారాయణ మరియు కల్పలత తదితరులు కీలక పాత్రలలో నటిస్తున్నారు. ఈ చిత్రాన్ని స్నేహల్ జంగాలా, శశిధర్ కాశి, కార్తీక్ ముడుంబై నిర్మించారు. గౌతమ్ జార్జ్ సినిమాటోగ్రఫీ మరియు రోషన్ కుమార్ ప్రొడక్షన్ డిజైన్ అందించిన ఈ చిత్రానికి శ్రీచరణ్ పాకాల మరియు విజయ్ బుల్గానిన్ సంయుక్తంగా సంగీతం అందిస్తున్నారు.
|
|
