రజనీ నిరంతర శ్రమజీవి: శంకర్
cinema | Suryaa Desk | Published : Sat, Oct 28, 2017, 03:15 PM
దర్శకుడు శంకర్ మాట్లాడుతూ.. సినిమా సెట్లో రజనీకాంత్ ఎప్పుడూ అంకితభావంతో పనిచేసే వారని అన్నారు. ‘‘రజనీ సర్ ఎంతో ఎనర్జీతో పనిచేసేవారు. దిల్లీలో షూటింగ్ చేస్తున్న సమయంలో అదీ 12 కిలోల సూట్ వేసుకొని, 40 డిగ్రీల వేడిలో కూడా ఉత్సాహంగా ఉండేవారు. తిరుకాజుకుండ్రమ్ (తమిళనాడు)లో ఓ సన్నివేశం తెరకెక్కించాం. అందులో ఆయనను ఓ బాక్సులో ఉంచి పూడ్చి పెట్టాలి. సుమారు నాలుగు గంటల పాటు రజనీసర్ ఎలాంటి ఇబ్బంది పడకుండా, బాక్సులో ఉన్నారు. ఆయన నటన అనుభవంతో ఎప్పుడూ సరికొత్త ప్రయోగాలకు సిద్ధం అంటారు. సినిమా కోసం ఆయన పడే శ్రమ ఈ సినిమాలోని ప్రతీ సన్నివేశంలో కనిపిస్తుంది’’
‘‘రోబో’ చిత్రంలోని ‘ఇనుములో ఓ హృదయం మొలిచెలే’ అంటూ సాగే పాట ఓ సవాల్లాంటిది. ఓ యువతికీ, మెషీన్కీ మధ్య ప్రేమను అందులో చూపాలి. ఇలాంటి సన్నివేశం తమిళ సినిమాల్లో ఎప్పుడూ ఎదురుకాలేదు.ఆ సన్నివేశానికి ఓ కొత్త శబ్దం వినపడేలా సంగీతం సృష్టించడం రెహమాన్కు నిజంగా సవాల్. అయితే ఇందులో రెండు రోబోల మధ్య పుట్టే ప్రేమకు ఓ కొత్త ట్రాక్ను సృష్టించాం. ప్రతీసారి అద్భుతమైన సంగీతం కోసం ప్రయత్నించడం మా ఇద్దరికీ కష్టమయ్యేది. అయితే రెహమాన్ నన్ను ఆశ్చర్యపరిచేవారు. నన్ను కలిసిన ప్రతీసారి ఏదో ఒక కొత్తదాన్ని వినిపిస్తూ ఉండేవారు.’’ అని అన్నారు.
|
|