103M+ డిజిటల్ ఇంప్రెషన్‌లను నమోదు చేసిన 'డబుల్ ఇస్మార్ట్' టీజర్
cinema | Suryaa Desk | Published : Fri, May 17, 2024, 06:32 PM
టాలీవుడ్ యంగ్ అండ్ ఎనర్జిటిక్ యాక్టర్ రామ్ పోతినేని మరియు డాషింగ్ డైరెక్టర్ పూరి జగన్నాధ్ ఇస్మార్ట్ శంకర్ సినిమాకి సీక్వెల్ ని ప్రకటించిన సంగతి అందరికి తెలిసిందే. ఈ సినిమాకి మూవీ మేకర్స్ 'డబుల్ ఇస్మార్ట్' అనే టైటిల్ ని లాక్ చేసి అధికారికంగా లాంచ్ చేసారు. ఈ సినిమాలో రామ్ పోతినేనికి జోడిగా కావ్య థాపర్ నటిస్తుంది.
ఇటీవలే మూవీ మేకర్స్, ఈ సినిమా టీజర్ ని విడుదల చేసారు. లేటెస్ట్ అప్డేట్ ప్రకారం, డబుల్ ఇస్మార్ట్ టీజర్ ఇంటర్నెట్‌లో 103 మిలియన్ల డిజిటల్ ఇంప్రెషన్‌ల ను నమోదు చేసినట్లు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసి ప్రకటించారు.
ఈ సినిమాలో బాలీవుడ్ స్టార్ నటుడు సంజయ్ దత్ ముఖ్య పాత్రలో కనిపించనున్నాడు. ఈ సినిమా తెలుగు, తమిళం, కన్నడ, మలయాళం మరియు హిందీ భాషల్లో గ్రాండ్ గా విడుదల కానుంది. పూరి జగన్నాధ్ మరియు ఛార్మి కౌర్ కలిసి పూరీ కనెక్ట్స్‌పై, విషు రెడ్డి CEOగా ఈ చిత్రాన్ని నిర్మించనున్నారు. ఈ చిత్రానికి మణిశర్మ సంగీతం అందిస్తున్నారు.
|
|
