'విదా ముయార్చి' చివరి షెడ్యూల్ లో జాయిన్ అయ్యిన అజిత్
cinema | Suryaa Desk | Published : Thu, Jun 20, 2024, 05:28 PM
కోలీవుడ్ సూపర్ స్టార్ అజిత్ తన 62వ ప్రాజెక్ట్ ని యువ తమిళ దర్శకుడు మగిజ్ తిరుమేనితో చేస్తున్నట్లు అధికారకంగా ప్రకటించిన సంగతి అందరికి తెలిసిందే. ఈ చిత్రానికి 'విదా ముయార్చి' అనే టైటిల్ ని మూవీ మేకర్స్ లాక్ చేసారు. తాజాగా నటుడు అజిత్ ఈ సినిమా యొక్క చివరి షెడ్యూల్‌లో చేరడానికి అజర్‌బైజాన్ వెళ్లాడు. దాదాపు 30% సినిమా పూర్తి కావాల్సి ఉండగా, ఈ ప్రాజెక్ట్ పూర్తయిన తర్వాత అజిత్ గుడ్ బ్యాడ్ అగ్లీ సెట్స్‌కి తిరిగి వెళ్లనున్నట్లు సమాచారం. ఈ సినిమాలో అజిత్ కి జోడిగా తమిళ స్టార్ నటి త్రిష జోడిగా కనిపిస్తుంది. ఈ సినిమాలో రెజినా కాసాండ్రా, ఆరవ్, అర్జున్ కీలక పాత్రలలో నటిస్తున్నారు. అందరూ ఎంతో ఆసక్తిగా ఎదురుచూస్తున్న ఈ బిగ్గీలో హిందీ నటుడు సంజయ్ దత్ కూడా ఒక ముఖ్యమైన పాత్రలో నటిస్తున్నారు. కోలీవుడ్ హిట్ మెషిన్ అనిరుధ్ రవిచందర్ ఈ హై బడ్జెట్ ఎంటర్‌టైనర్‌కు సంగీతం అందిస్తున్నారు. ఈ ప్రాజెక్ట్‌ని లైకా ప్రొడక్షన్స్ నిర్మిస్తోంది.
|
|
