భారీ కలెక్షన్స్ ని రాబడుతున్న 'కల్కి 2898AD'.. ఎంతంటే...?
cinema | Suryaa Desk | Published : Fri, Jul 05, 2024, 11:09 AM
రెబల్ స్టార్ ప్రభాస్ నటించిన లేటెస్ట్ సైన్స్ ఫిక్షనల్ మూవీ 'కల్కి 2898AD'. భారీ అంచనాల నడుమ జూన్ 27న విడుదలైన ఈ సినిమా ప్రేక్షకులను కొత్త ప్రపంచంలోకి తీసుకెళ్లింది. అగ్ర నటులు అమితాబ్‌ బచ్చన్‌.. అశ్వత్థామగా, కమల్‌ హాసన్‌.. సుప్రీం యాస్కిన్‌గా ఆకట్టుకున్నారు. ఈ సినిమా జూన్ 29న రిలీస్ అయ్యి మంచి బ్లాక్ బస్టర్ టాక్ ని సొంతం చేసుకుంది. ఈ సినిమాలో విజయ్‌ దేవరకొండ, దుల్కర్‌ సల్మాన్‌ అతిథి పాత్రలతో అలరించారు.ఈ సినిమా మరో మైలురాయి దాటింది. ఇప్పటి వరకూ ఈ సినిమా రూ. 700 కోట్లకుపైగా వసూళ్లు చేసిందని చిత్ర బృందం ప్రకటించింది. ఈ మేరకు సోషల్‌ మీడియా వేదికగా కొత్త పోస్టర్‌ విడుదల చేసింది. హీరో లేకుండా కేవలం దీపికా పదుకొణె పాత్రకు సంబంధించిన లుక్‌ను హైలైట్‌ చేయడం విశేషం. ఈ మైథాలజీ సైన్స్ ఫిక్షన్‌ ఫిల్మ్‌ రూ. 1000 కోట్ల క్లబ్‌లో చేరడమే తరువాయి అంటూ ప్రభాస్ అభిమానులు ఆనందం వ్యక్తం చేస్తున్నారు. చూడాలి ఈ సినిమా 1000 కోట్ల క్లబ్ లోకి చేరుతుందో లేదో..
|
|