'డార్లింగ్' ట్రైలర్ లాంచ్ ఈవెంట్ కి చీఫ్ గెస్ట్ గా మాస్ కా దాస్
cinema | Suryaa Desk | Published : Sat, Jul 06, 2024, 03:52 PM
అశ్విన్ రామ్ దర్శకత్వంలో ప్రియదర్శి ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి 'డార్లింగ్' అనే టైటిల్ ని మూవీ మేకర్స్ లాక్ చేసారు. ఇటీవలే మూవీ మేకర్స్ ఈ సినిమా ట్రైలర్ లాంచ్ ఈవెంట్ ని రేపు ఉదయం 10 గంటలకి AAA సినిమాస్ స్క్రీన్ 5లో నిర్వహిస్తున్నట్లు ప్రకటించారు. తాజాగా ఇప్పుడు ఈ ఈవెంట్ కి మాస్ కా దాస్ విశ్వేక్ సేన్ చీఫ్ గెస్ట్ గా హాజరుకానున్నట్లు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఈ రోమ్-కామ్ ఎంటర్‌టైనర్‌లో నభా నటేష్ కథానాయికగా నటిస్తుంది. ఈ సినిమాలో అనన్య నాగళ్ల, మొయిన్, శివా రెడ్డి, మురళీధర్ గౌడ్, కళ్యాణి రాజ్ కీలక పాత్రలు పోషించారు. ఈ చిత్రానికి వివేక్ సాగర్ సంగీతం అందించనున్నారు. ప్రైమ్‌షో ఎంటర్‌టైన్‌మెంట్‌కి చెందిన కె నిరంజన్ రెడ్డి శ్రీమతి చైతన్య సమర్పణలో ఈ చిత్రాన్ని నిర్మిస్తున్నారు. ఈ సినిమా జులై 19న విడుదల కానుంది.
|
|
