మహారాజ హిందీ రీమేక్ చేయనున్న బాలీవుడ్ స్టార్ హీరో.. ఎవరంటే....?
cinema | Suryaa Desk | Published : Tue, Jul 30, 2024, 12:28 PM
విజయ్ సేతుపతి నటించిన లేటెస్ట్ మూవీ 'మహారాజ'. ఏ సినిమా మక్కల్ సెల్వన్ కెరీర్ లో 50వ చిత్రంగా తెరకెక్కింది. ఈ చిత్రం థియేటర్లలో విడుదలై సూపర్ హిట్ టాక్ తో 50రోజులు పూర్తిచేసుకుంది. ఇటీవల ప్రముఖ డిజిటల్ ప్లాట్‌ నెట్ ఫ్లిక్స్ మహారాజాను స్ట్రీమింగ్ కు ఉంచగా వారం రోజుల పాటు ఇండియా నం1 గా ట్రెండ్ అయ్యి సెన్సేషన్ క్రియేట్ చేసింది విజయ్ సేతుపతి మహారాజ. కేవలం రూ.20 కోట్లతో రూపొందించిన మహారాజ తమిళనాడు బాక్సాఫీస్ వద్ద రూ.100 కోట్లకు పైగా కలెక్షన్స్ రాబట్టింది. విజయ్ సేతుపతి కెరీర్ లో హయ్యెస్ట్ గ్రాసర్ చిత్రంగా మహారాజా నిలిచింది. తెలుగులోను ఈ చిత్రం సూపర్ హిట్ గా నిలిచింది.
తాజాగా ఈ సినిమా హిందీ లో రీమేక్ కానుంది బాలీవుడ్ స్టార్ హీరో అమిర్ ఖాన్ మహారాజ హిందీ రైట్స్ కొనుగోలు చేసారు. అమిర్ గత చిత్రం ‘లాల్ సింగ్ చద్దా’ ఎన్నో అంచనాల మధ్య విడుదలై నిరాశపరిచింది. మరి మహారాజని యధావిధిగా రీమేక్ చేస్తారా లేదా మార్పులు చేర్పులు చేస్తారా అన్నది తెలియాలి. ఇటీవల బాలీవుడ్ కు రీమేక్ లు కలిసి రాలేదు. స్టార్ హీరో అక్షయ్ కుమార్ తమిళ హీరో సూర్య నటించినఆకాశమే నీ హద్దురా చిత్రాన్ని రీమేక్ చేయగా భారీ డిజాస్టర్ గా నిలిచింది. మరి మహారాజతో అమిర్ ఏ మాత్రం ఆకట్టుకుంటాడో చూడాలి.
|
|