తెలుగు ఇండియన్ ఐడల్ సింగింగ్ షో లో స్పెషల్ గెస్ట్ గా నేషనల్ క్రష్ 'రష్మిక మందన్నా'.. స్ట్రీమింగ్ ఎప్పుడంటే...?
cinema | Suryaa Desk | Published : Tue, Jul 30, 2024, 10:58 PM
తెలుగు ఇండియన్ ఐడల్ మూడో సీజన్ కూడా మంచి ఆదరణ దక్కించుకుంటోంది. ఆహా ఓటీటీలో స్ట్రీమింగ్ అవుతున్న ఈ సింగింగ్ షో భారీ వ్యూస్ సాధిస్తోంది. స్టార్ మ్యూజిక్ డైరెక్టర్ థమన్, సింగర్లు కార్తీక్, గీతామాధురి జడ్జిలుగా ఉన్నారు. ఈ సింగింగ్ షోకు స్టార్ హీరోయిన్ రష్మిక మందన్నా గెస్టుగా పాల్గొన్నారు. ఈ విషయాన్ని ఆహా వెల్లడించింది. ఈ ఎపిసోడ్లు ఎప్పుడు స్ట్రీమింగ్‍కు వస్తాయో కూడా వెల్లడించింది. తెలుగు ఇండియన్ ఐడల్ 3వ సీజన్ వేదికపైకి నేషనల్ క్రష్ వచ్చేశారంటూ ఆహా ఓటీటీ నేడు (జూలై 30) సోషల్ మీడియాలో పోస్ట్ చేసింది. రష్మిక మందన్నా గెస్టుగా వచ్చారని వెల్లడించింది. "మాకు తెలుసు మీరు కనిపెట్టేశారని. ఇంకెందుకు సీక్రెట్. ఇదుగో మన తెలుగు ఇండియన్ ఐడల్ స్టేజ్‍పై నేషనల్ క్రష్ రష్మిక మందన్నా" అని ఆహా ట్వీట్ చేసింది. తెలుగు ఇండియన్ ఐడల్ సీజన్ 3లో రష్మిక మందన్నా గెస్టుగా పాల్గొన్న 15,16వ ఎపిసోడ్లు ఆగస్టు 2, ఆగస్టు 3వ తేదీల్లో సాయంత్రం 7 గంటలకు ఆహా ఓటీటీలో స్ట్రీమింగ్‍కు వస్తాయి. ఈ విషయాన్ని ఆహా వెల్లడించింది.
|
|