ఆకట్టుకుంటున్న హాలీవుడ్ "ముఫాసా ది లయన్ కింగ్' ట్రైలర్..
cinema | Suryaa Desk | Published : Sun, Aug 11, 2024, 12:08 AM
హాలీవుడ్ చిత్రాలు.. కార్డూన్ మూవీస్ చూసేందుకు చిన్న పిల్లలు ఎంతో ఇష్టపడుతుంటారు. అందులో ది లయన్ కింగ్ ఒకటి. ఇప్పటివరకు విడుదలైన ఈ సిరీస్ చిత్రాలు చిన్నారుల నుంచి పెద్దవాళ్ల వరకు ఇష్టపడుతుంటారు. ముఖ్యంగా ది లయన్ కింగ్ సినిమాలకు జనాల్లో విపరీతమైన క్రేజ్ ఉంటుంది. ఆంగ్లంలో తెరకెక్కించిన ఈ సినిమాలను ఇటు తెలుగులోకి డబ్ చేయగా మంచి రెస్పాన్స్ వచ్చింది. ఈ సినిమాలో ముఫాసాను కుట్రలతో అతడి తమ్ముడు స్కార్ అంతమొందిస్తాడు. ఆ తర్వాత ముఫాసా తనయుడు సింబా. తన బాబాయ్ అయిన స్కార్ రాజ్యం నుంచి తరిమేస్తాడు. అలా ముఫాసా వారసుడిగా సింబా మళ్లీ అడవికి రాజు అవుతాడు. తాజాగా ఈ సినిమాకు ప్రీక్వెల్ ముఫాసా ది లయన్ కింగ్ తీసుకువస్తున్నారు.
ఇందులో ఆరోన్ స్టోన్, కెల్విన్,హ్యారిసన్ జూనియర్, టిఫానీ బూనే, కగిసో లేడీగా,ప్రెస్టన్ నైమన్ కీలకపాత్రలలో నటిస్తున్నారు. ఈ ప్రీక్వెల్ గా బేరీ జెంకిన్స్ దర్శకత్వం వహిస్తుండగా.. ఓ అనాథగా ఉన్న ముఫాసా అడివికి రాజు ఎలా అయ్యాడు.. అనేది ఈ సినిమాలో చూపించనున్నారు. ఈ ఏడాది క్రిస్మస్ కానుకగా డిసెంబర్ 20న ముఫాసా ది లయన్ కింగ్ ప్రపంచవ్యాప్తంగా విడుదల కానుంది. తాజాగా ఈ సినిమా ట్రైలర్ ను మేకర్స్ రిలీజ్ చేశారు. ఈ ట్రైలర్ ప్రేక్షకుల్ని ఆకట్టుకుంటుంది.
|
|