ట్రెండింగ్
'ఆయ్' ప్రీ-రిలీజ్ ఈవెంట్ కి ముఖ్య అతిధిగా నిఖిల్
cinema | Suryaa Desk | Published : Tue, Aug 13, 2024, 02:54 PM
నార్నే నితిన్ తన తదుపరి ప్రాజెక్ట్ ని డైరెక్టర్ అంజితో ప్రకటించిన సంగతి అందరికి తెలిసిందే. ఈ సినిమాకి మూవీ మేకర్స్ 'ఆయ్' అనే టైటిల్ ని లాక్ చేసారు. ఈ సినిమాలో నయన్ సారిక మహిళా ప్రధాన పాత్రలలో నటించారు. తాజాగా మూవీ మేకర్స్ ఈ సినిమా ప్రీ-రిలీజ్ ఈవెంట్ ఈరోజు హైదరాబాద్ లోని హోటల్ దసపల్లా లో సాయంత్రం 6 గంటల నుండి జరగనుండగా, ఈ ఈవెంట్ కి చీఫ్ గెస్ట్ గా నిఖిల్ సిద్ధార్థ హాజరుకానున్నట్లు ప్రకటించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఈ చిత్రంలో అంకిత్ కొయ్య, రాజకుమార్ కసిరెడ్డి కీలక పాత్రలలో నటిస్తున్నారు. ఈ సినిమా ఆగస్టు 15న విడుదలకి సిద్ధంగా ఉంది. బన్నీ వాస్ మరియు విద్యా కొప్పినీడి అల్లు అరవింద్ యొక్క గీతా ఆర్ట్స్ ఆధ్వర్యంలో ఈ చిత్రాన్ని నిర్మిస్తున్నారు.
|
|