'కమిటీ కుర్రోళ్లు' డే 3 సక్సెస్ టూర్ డీటెయిల్స్
cinema | Suryaa Desk | Published : Wed, Aug 21, 2024, 05:48 PM
నిహారిక కొణిదెల తొలి చలనచిత్ర నిర్మాణం 'కమిటీ కుర్రోళ్లు' ఆగష్టు 9, 2024న విడుదల అయ్యింది. ఈ చిత్రంలో సందీప్ సరోజ్, యశ్వంత్ పెండ్యాల, త్రినాథ్ వర్మ, ప్రసాద్ బెహరా, ఈశ్వర్ రాచిరాజు, మణికంఠ పరశురాజు, లోకేష్ కుమార్ పరిమి, శ్యామ్ కళ్యాణ్, రఘువరన్, శివకుమార్ మట్టా, అక్షయ్ శ్రీనివాస్, శరణ్య సురేష్, తేజస్వి రావు, విశిక, మరియు షణ్ముకి నాగుమంత్రి ప్రధాన పాత్రలలో నటించారు. ఈ సినిమా విడుదలైన నాలుగవ రోజున బ్రేక్ ఈవెన్ ని చేరుకొని ప్రాఫిట్ జోన్ లోకి ఎంటర్ అయ్యింది. ఈ చిత్రం ప్రేక్షకుల నుండి మాత్రమే కాకుండా పరిశ్రమ తారల నుండి కూడా విస్తృతమైన ప్రశంసలను అందుకుంది. ఇటీవలే మహేష్ బాబు, సుకుమార్, నాగ్ అశ్విన్, క్రిష్, దేవి శ్రీ ప్రసాద్, SS రాజమౌళి, చిరంజీవి, రామ్ చరణ్ మరియు నాని సినిమాపై ప్రశంసలు కురిపిస్తూ నిర్మాత నిహారిక కొణిదెలకు శుభాకాంక్షలు తెలిపారు. తాజాగా మూవీ మేకర్స్ ఈ సినిమా సక్సెస్ టూర్ కి సంబందించిన వివరాల్ని వెల్లడించారు. రేపు చిత్ర బృందం రాజమండ్రి, మండపేట, అమలాపురం, కాకినాడ లో ప్రేక్షకులతో కలిసి షోని వీక్షించనున్నట్లు ప్రకటించారు. ప్యాషనేట్ ఫిల్మ్ మేకర్ వంశీ నందిపతి ఈ సినిమాని గ్రాండ్ గా రిలీజ్‌ చేసారు. అనుదీప్ ఈ చిత్రానికి సంగీతం అందించారు. పింక్ ఎలిఫెంట్ పిక్చర్స్ బ్యానర్‌పై నిర్మిస్తున్న ఈ చిత్రానికి యదు వంశీ దర్శకత్వం వహించారు.
|
|