అదే నా మొదటి రెమ్యూనరేషన్ : వరుణ్ సందేశ్
cinema | Suryaa Desk | Published : Wed, Aug 28, 2024, 11:03 AM
శేఖర్ కమ్ముల దర్శకత్వంలో వచ్చిన 'హ్యాపీ డేస్' సినిమా, చాలామంది జీవితాలను మార్చేసింది. ఈ సినిమా చూసి ఇంజనీరింగ్ చేస్తే ఇలా హ్యాపీ డేస్ ఎంజాయ్ చేయొచ్చని నమ్మి, చాలా మంది ఇంజనీరింగ్ చేశారు..'హ్యాపీ డేస్' సినిమా ద్వారా నలుగురు హీరోలు, ముగ్గురు హీరోయిన్లను పరిచయం చేశాడు శేఖర్ కమ్ముల. ఇందులో నిఖిల్ హీరోగా సూపర్ సక్సెస్ అయితే, అప్పటికే కొన్ని సినిమాలు చేసిన తమన్నా భాటియా... ఇప్పటికీ స్టార్ హీరోయిన్‌గా కొనసాగుతోంది..'హ్యాపీ డేస్' మూవీలో మెయిన్ హీరోగా నటించిన వరుణ్ సందేశ్, ఈ సినిమా తర్వాత 'కొత్త బంగారులోకం' మూవీతో సూపర్ హిట్ కొట్టాడు. ఆ తర్వాత వరుస డిజాస్టర్లతో క్రేజ్ మొత్తం కోల్పోయి, ఫేడవుట్ అయ్యే పరిస్థితికి చేరుకున్నాడు... తాజాగా 'విరాజి' అనే సినిమాని రిలీజ్ చేసిన వరుణ్ సందేశ్, తన మొదటి సినిమాకి అందుకున్న రెమ్యూనరేషన్ ఎంతో బయటపెట్టాడు...
'యూఎస్‌ఏ నుంచి ఇండియా రావడానికి ఫ్లైయిట్ టికెట్స్ బుక్ చేశారు. సినిమా రిలీజ్ అయ్యాక సూపర్ హిట్ టాక్ రావడంతో రూ.1 లక్ష ఇచ్చారు.. అదే నా మొదటి రెమ్యూనరేషన్...'' అని చెప్పాడు వరుణ్ సందేశ్... 'హ్యాపీ డేస్' మూవీ, థియేటర్లలో 175 రోజులకు పైగా ఆడింది.. అంతకుముందు 'ఆనంద్', 'గోదావరి' సినిమాలు చేసిన శేఖర్ కమ్ముల, 'హ్యాపీ డేస్' సినిమాతోనే కమర్షియల్‌గా కాస్త వెనకేసుకున్నట్టుగా ఓ ఇంటర్వ్యూలో కామెంట్ చేశాడు..వరుస సినిమాలు డిజాస్టర్లుగా మారడంతో 'బిగ్ బాస్' సీజన్ 3లో కంటెస్టెంట్‌గా వచ్చిన వరుణ్ సందేశ్, మూడో రన్నరప్‌గా నిలిచాడు..
|
|