కార్తీ 'మెయ్యళగన్' కోసం గాయకుడిగా మారిన కమల్ హాసన్
cinema | Suryaa Desk | Published : Sun, Sep 01, 2024, 04:44 PM
సి. ప్రేమ్ కుమార్ దర్శకత్వంలో కోలీవుడ్ నటుడు కార్తీ తన తదుపరి ప్రాజెక్ట్ ని ప్రకటించిన సంగతి అందరికి తెలిసిందే. ఈ ప్రాజెక్ట్‌కి దర్శకత్వం చేయడమే కాకుండా, ప్రేమ్ కుమార్ ఈ సినిమాకి కథ, స్క్రీన్‌ప్లే మరియు డైలాగ్‌లు రాశారు. ఈ చిత్రానికి మూవీ మేకర్స్ 'మెయ్యళగన్' అనే టైటిల్‌ ని లాక్ చేసారు. అరవింద్ స్వామి కూడా ఈ సినిమాలో ఒక ముఖ్య పాత్ర పోషిస్తున్నాడు. ఈ చిత్రం ఆడియో ఆవిష్కరణ కార్యక్రమం ఇటీవల చెన్నైలో జరిగింది. ఈ ఈవెంట్ లో కార్తీ, అరవింద్ స్వామి, మరియు నటీనటులు మరియు సిబ్బంది పాల్గొన్నారు. ఈ ఈవెంట్ తర్వాత సోషల్ మీడియాలో సినిమా సౌండ్‌ట్రాక్‌ను విడుదల చేయడం జరిగింది. ఇందులో ఆరు విశిష్ట సాంగ్స్ ఉన్నాయి. ఈ సినిమాలో 'యారో ఇవాన్ యారో' మరియు 'పోరెన్ నాన్ పోరెన్' రెండు సాంగ్స్ కి దిగ్గజ నటుడు కమల్ హాసన్ గాత్రం అందించారు. ఈ చిత్రంలో రాజ్‌కిరణ్, శ్రీ దివ్య, స్వాతి కొండే, దేవదర్శిని, జయప్రకాష్, శ్రీ రంజని, ఇళవరసు, కరుణాకరన్, శరణ్, రేచల్ రెబెక్కా, ఆంథోని, రాజ్‌కుమార్, ఇందుమతి, రాణి సంయుక్త, కాయల్ సుబ్రమణి, అశోక్ పాండియన్, తదితరులు కీలక పాత్రలలో నటించారు. గోవింద్ వసంత ఈ సినిమాకి స్వరాలు సమకూరుస్తున్నారు. ఈ చిత్రం సెప్టెంబర్ 27న విడుదల కానుంది. 2డి ఎంటర్‌టైన్‌మెంట్‌పై జ్యోతిక మరియు సూర్య ఈ చిత్రాన్ని నిర్మిస్తున్నారు, రాజశేఖర్ కర్పూరసుందరపాండియన్ సహ నిర్మాతగా వ్యవహరిస్తున్నారు.
|
|