ట్రెండింగ్
ఆఫీసియల్ : సెన్సార్ ఫార్మాలిటీస్ క్లియర్ చేసుకున్న 'జనక అయితే గనక'
cinema | Suryaa Desk | Published : Tue, Sep 03, 2024, 02:41 PM
టాలీవుడ్ నటుడు సుహాస్ వరుస హిట్లతో దూసుకుపోతున్నాడు. అతని తాజా చిత్రం "జనక అయితే గనక" సెప్టెంబర్ 7న విడుదల కానుంది. ఇప్పటికే విడుదలైన ఈ సినిమా టీజర్ మరియు పాటలు విశేషమైన బజ్‌ని సృష్టించాయి. ఇటీవల విడుదలైన ట్రైలర్ ఈ మూవీ పై అంచనాలను మరింత పెంచింది. తాజాగా మూవీ మేకర్స్ ఈ సినిమా సెన్సార్ ఫార్మాలిటీస్ పూర్తి చేసుకొని క్లీన్ 'U/A' సర్టిఫికెట్ పొందినట్లు ప్రకటించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఈ చిత్రంలో సుహాస్ సరసన సంగీత విపిన్ జోడిగా నటిస్తుంది. ఈ సినిమాలో వెన్నెల కిషోర్, రాజేంద్ర ప్రసాద్, మురళి శర్మ మరియు గోపరాజు రమణ కీలక పాత్రలలో నటిస్తున్నారు. దిల్ రాజు ప్రొడక్షన్స్ బ్యానర్‌పై సందీప్ రెడ్డి బండ్ల దర్శకత్వం వహించిన ఈ చిత్రాన్ని హర్షిత్ రెడ్డి మరియు హన్సిత నిర్మించారు.
|
|