సెప్టెంబర్ 12న ఈటీవీ విన్‌‌లో సందడి చేయనున్న ‘కమిటీ కుర్రోళ్లు’
cinema | Suryaa Desk | Published : Tue, Sep 03, 2024, 04:41 PM
టాలీవుడ్ నటి నిహారిక కొణిదెల సమర్పణలో యదువంశీ దర్శకత్వం వహించిన చిత్రం ‘కమిటీ కుర్రోళ్లు’. ఈ మూవీ ఆగస్టు 9న విడుదల కాగా.. సూపర్ టాక్ తెచ్చుకుంది. ప్రస్తుతం థియేటర్లలో సందడి చేస్తున్న ఈ సినిమాకు సంబంధించి ఓటీటీ అప్‌డేట్‌ వచ్చేసింది. కమిటీ కుర్రోళ్లు డిజిటల్‌ స్ట్రీమింగ్ రైట్స్‌ను పాపులర్ ఓటీటీ ప్లాట్‌ఫాం ఈటీవీ విన్‌ దక్కించుకుంది. తాజా సమాచారం ప్రకారం, ఈ చిత్రం సెప్టెంబర్ 12న ఓటీటీలో సందడి చేయనుంది.మెగా డాటర్ నిహారిక నిర్మించిన మూవీ ‘కమిటీ కుర్రోళ్లు’. ఇందులో కొత్త నటీనటులు నటించగా.. యదు వంశీ దర్శకత్వం వహించాడు. అయితే తక్కువ బడ్జెత్‌తో తెరకెక్కిన ఈ సినిమా ఆగస్టు 9న విడుదలై బ్లాక్ బస్టర్ హిట్‌ను సొంతం చేసుకుంది. కామెడీతో పాటు 1990ల జ్ఞాపకాలను గుర్తు చేయడం, స్నేహితుల మధ్య బంధం, గోదావరి పల్లె వాతావరణాన్ని ఆకట్టుకునేలా చూపించడంతో ఈ సినిమా ప్రేక్షకులను విపరీతంగా ఆకట్టుకుంది. అంతేకాకుండా కమిటీ కుర్రోళ్లు భారీ కలెక్షన్స్ రాబట్టింది. అలాగే టాలీవుడ్ స్టార్ హీరోల ప్రశంసలు అందుకుంది.
|
|