25 కేజీల గణపతి లడ్డూను దక్కించుకున్న బిగ్ బాస్ టేస్టీ తేజా....
cinema | Suryaa Desk | Published : Tue, Sep 17, 2024, 12:47 PM
బిగ్ బాస్ మాజీ కంటెస్టెంట్, ప్రముఖ యూట్యూబర్ టేస్టీ తేజా వినాయకుడి లడ్డూని భారీ ధరకు దక్కించుకున్నాడు. తన సొంత ఊరు గుంటూరు సమీపంలోని తెనాలిలో జరిగిన గణేష్ నిమజ్జనంలో ఉత్సాహంగా పాల్గొన్నాడు టేస్టీ తేజా. అలాగే చాలా మందితో పోటీ పడి సుమారు 25 కేజీల గణపతి లడ్డూని రూ. 75 వేలకు సొంతం చేసుకున్నారు. ఇందుకు సంబంధించిన వీడియోను ఇన్ స్టా గ్రామ్ లో షేర్ చేసుకున్నాడీ బిగ్ బాస్ మాజీ కంటెస్టెంట్. ' మా ఊరిలో గత 25 ఏళ్లుగా వినాయక చవితి ఉత్సవాలు ఘనంగా నిర్వహిస్తున్నారు. ఈ ఏడాది 25వ ఏట కావడంతో 25 కేజీల భారీ లడ్డూని వినాయకుడికి సమర్పించారు. ఇప్పుడు ఈ లడ్డూని వేలం పాటలో రూ.75 వేలకు దక్కించుకున్నాను' అని చెప్పుకొచ్చాడు టేస్టీ తేజా. వినాయకుడి లడ్డూని వేలంలో దక్కించుకుని ఆ తర్వాత ఊరేగింపుగా ఇంటికి తీసుకుని వెళ్లాడు టేస్టీ తేజా. ఇక గణేష్ నిమజ్జన కార్యక్రమంలోనూ ఎంతో ఉత్సాహంగా పాల్గొన్నాడీ ఫేమస్ యూట్యూబర్. గ్రామస్తులతో కలిసి ఎంతో హుషారుగా డ్యాన్సులు చేశాడు. ఇందుకు సంబంధించిన వీడియో ప్రస్తుతం సామాజిక మాధ్యమాల్లో వైరల్ గా మారింది. దీనిని చూసిన అభిమానులు, నెటిజన్లు క్రేజీ కామెంట్స్ చేస్తున్నారు.
|
|