చివరి దశకు చేరుకున్న 'విశ్వంభర' షూటింగ్
cinema | Suryaa Desk | Published : Fri, Oct 04, 2024, 04:27 PM
మెగాస్టార్ చిరంజీవి తన తదుపరి చిత్రాన్ని బింబిసార సినిమాతో ప్రఖ్యాతి గాంచిన వసిష్ఠ మల్లిడి దర్శకత్వంలో చేస్తున్నట్లు ప్రకటించిన సంగతి అందరికి తెలిసిందే. సోషియో-ఫాంటసీ థ్రిల్లర్ ట్రాక్ లో రానున్న ఈ చిత్రానికి 'విశ్వంబర' అనే టైటిల్ ని మూవీ మేకర్స్ లాక్ చేసారు. ఈ చిత్రం ప్రస్తుతం నిర్మాణ దశలో ఉంది. విశ్వంబర గ్రాఫిక్స్‌పై పలు టాప్ వీఎఫ్‌ఎక్స్ కంపెనీలు పనిచేస్తున్నాయి. ప్రస్తుతం నిర్మాణ దశలో ఉన్న ఈ భారీ చిత్రాన్ని వెండితెరపైకి తీసుకురావడానికి చిత్రబృందం శక్తివంచన లేకుండా కృషి చేస్తోంది. షూటింగ్, డబ్బింగ్, నిర్మాణానంతర కార్యక్రమాలు సమాంతరంగా సాగుతుండగా, సినిమా పూర్తయ్యేలోపు రెండు పాటల చిత్రీకరణ మాత్రమే మిగిలి ఉంది. జనవరిలో విడుదల చేయాలనే లక్ష్యంతో మేకర్స్ ఈ ఫైనల్ సీక్వెన్స్‌లను త్వరగా పూర్తి చేయడానికి ప్రయత్నిస్తున్నారు. ఈ చిత్రంలో చిరంజీవికి జోడిగా త్రిష కృష్ణన్ నటిస్తుంది. ఆషికా రంగనాథ్, రమ్య పసుపులేటి, ఈషా చావ్లా, అశ్రిత వేముగంటి నండూరి మరియు కునాల్ కపూర్‌ల ఈ సినిమాలో కీలక పత్రాలు పోషిస్తున్నారు. ఈ సినిమాకి అకాడమీ అవార్డ్-విజేత MM కీరవాణి సంగీతాన్ని అందిస్తున్నారు. విశ్వంబర జనవరి 10, 2025న థియేటర్లలోకి రావడానికి సిద్ధంగా ఉంది. UV క్రియేషన్స్ భారీ స్థాయిలోఈ చిత్రాన్ని నిర్మిస్తుంది.
|
|