సందడిగా ‘కలర్ ఫొటో’ డైరెక్టర్ ఎంగేజ్మెంట్
cinema | Suryaa Desk | Published : Tue, Nov 12, 2024, 11:47 AM
షార్ట్ ఫిల్మ్స్ తో మంచి గుర్తింపు తెచ్చుకున్న వారిలో సందీప్ రాజ్ కూడా ఒకరు. ముఖ్యంగా చాయ్ బిస్కెట్‌ షార్ట్ ఫిల్మ్స్ తో పాపులారిటీ సొంతం చేసుకున్నాడు సందీప్. ఆ తర్వాత కలర్ ఫొటో సినిమాతో దర్శకుడిగా మారాడు. ఓటీటీలో రిలీజైనా మొదటి సినిమాతోనే మంచి విజయం సాధించాడు. అంతేకాదు ఏకంగా నేషనల్ అవార్డు కూడా అందుకున్నాడు. ఆ తర్వాత పలు సినిమాలు, సిరీస్ లకు రచయితగా పనిచేస్తూనే డైరెక్టర్ గా తన నెక్స్ట్ సినిమాని పట్టాలెక్కించే పనిలో ఉన్నాడు సందీప్. ‘కలర్ ఫొటో’ సినిమాతో దర్శకుడిగా మంచి గుర్తింపు తెచ్చుకున్న సందీప్ రాజ్ త్వరలోనే ఓ ఇంటివాడు కాబోతున్నాడు. అదే సినిమాలో నటించిన ఆర్టిస్ట్ చాందినీ రావుతో సందీప్ రాజ్ నిశ్చితార్థం సోమవారం జరిగింది. వీరిద్దరి ఎంగేజ్మెంట్ ఫొటోలు నెట్టింట వైరల్ అవుతున్నాయి. నెటిజన్లు, చిత్ర పరిశ్రమకు చెందిన వారు ఈ జంటకు శుభాకాంక్షలు తెలియజేస్తున్నారు.
|
|