గేమ్ ఛేంజర్ : నానా హైరానా BTS స్టిల్స్‌ను షేర్ చేసిన రామ్ చరణ్
cinema | Suryaa Desk | Published : Tue, Dec 10, 2024, 01:15 PM
శంకర్ షణ్ముగం దర్శకత్వంలో మెగా పవర్‌స్టార్ రామ్ చరణ్ ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి గేమ్ ఛేంజర్ అనే టైటిల్ ని లాక్ చేసారు. ఇటీవలే మూవీ మేకర్స్ ఇప్పుడు నానా హైరానా అనే మూడవ సింగిల్‌ని విడుదల చేసారు. రామ్ చరణ్ మరియు కియారా అద్వానీ నటించిన ఈ మెలోడీని ఇన్‌ఫ్రారెడ్ కెమెరాతో చిత్రీకరించారు. థమన్ సంగీతం అందించిన శ్రేయా ఘోషల్ మరియు కార్తీక్ పాడిన నానా హైరానా అనే సోల్‌ఫుల్ ట్రాక్‌ అభిమానులు మరియు సంగీత ఔత్సాహికుల నుండి విపరీతమైన ప్రేమను పొందింది. బాస్కో మార్టిస్ వైబ్రెంట్ డ్యాన్స్ సీక్వెన్స్‌లకు కొరియోగ్రఫీ చేసి అంచనాలను మరింత పెంచారు. ఉత్సాహాన్ని జోడిస్తూ, సాంగ్ షూట్ నుండి తెరవెనుక (BTS) ఫోటోలు మరియు వీడియోలను రామ్ చరణ్ ఇంస్టాగ్రామ్ లో పోస్ట్ చేసారు.ఈ పోస్ట్‌లు సోషల్ మీడియాలో వైరల్ అవుతున్నాయి. ఈ పొలిటికల్ థ్రిల్లర్‌లో బాలీవుడ్ నటి కియారా అద్వానీ కథానాయికగా నటించింది. తెలుగు, తమిళం, హిందీ భాషల్లో విడుదల కానున్న ఈ చిత్రంలో అంజలి, శ్రీకాంత్, ఎస్‌జె సూర్య, నవీన్ చంద్ర మరియు మరికొంతమంది కీలక పాత్రల్లో నటిస్తున్నారు. శ్రీ వెంకటేశ్వర క్రియేషన్స్ పతాకంపై ప్రముఖ నిర్మాత దిల్ రాజు నిర్మించిన ఈ చిత్రానికి థమన్ సంగీతం అందిస్తున్నారు. అత్యంత ప్రతిష్టాత్మకమైన ఈ యాక్షన్ డ్రామా చిత్రం తెలుగు, తమిళం మరియు హిందీలో జనవరి 10, 2025న విడుదల కానుంది.
|
|