బోల్డ్ విషయాలు బయటపెట్టిన మల్లికా
cinema | Suryaa Desk | Published : Wed, Jul 03, 2019, 11:27 AM
మర్డర్ సినిమాతో బాలీవుడ్కి ఎంట్రీ ఇచ్చి శృంగార అభినయంలో తనదైన ముద్ర వేసిన నటి మల్లికా శెరావత్. తెరపై హాట్గా కనిపించే శెరావత్ను మరింత హాట్గా చూపించడానికి కొంతమంది దర్శకులు చిత్ర విచిత్రమైన ప్రయోగాలకు సిద్దపడేవారని తాజాగా ఓ ఇంటర్వ్యూలో స్వయంగా తనే వెల్లడించారు. హిందీ పాపులర్ షో 'కామెడీ నైట్స్ విత్ కపిల్' కార్యక్రమంలో పాల్గొన్న ఆమె తనకు ఎదురైన పలు వింత అనుభవాల గురించి వివరించారు.
ఓ సినిమా కోసం పాట చిత్రీకరణ జరుగుతున్న సమయంలో.. సదరు నిర్మాత కొత్తగా ఏదైనా చేయాలనుకున్నాడని మల్లికా తెలిపారు. అందుకోసం తన ఉదర భాగంలో ఎగ్ని ఫ్రై చేస్తున్నట్టుగా చూపిద్దామని కొరియోగ్రాఫర్తో చెప్పాడన్నారు. తనలోని హాట్నెస్ను చూపించడానికి అది సింబాలిక్గా
ఉంటుందని అలాంటి ప్రయోగానికి సిద్దమయ్యాడని చెప్పారు. అయితే అందుకు తను నో చెప్పినట్టు వెల్లడించారు.మరో సందర్భంలో ఓ దర్శకుడు.. పాటలో తన నడుంపై రోటీలు చేస్తున్నట్టు చూపిస్తానని చెప్పినట్టు పేర్కొన్నారు. అయితే అతని అత్యుత్సాహానికి తాను విముఖత వ్యక్తం చేశానని తెలిపారు. అంతేకాదు, 'తెరపై బోల్డ్ పాత్రల్లో నటిస్తావు కదా.. మాతోనూ సన్నిహితంగా గడపాలి' అని కొతమంది నటులు అడిగారని చెప్పారు. అలా చేయడం ఇష్టం లేక చాలా సినిమాలు వదులుకున్నానని తెలిపారు. మన దేశంలో తన లాంటి మహిళలను సమాజం ఎలా చూస్తుందో చెప్పడానికి ఇవి కొన్ని ఉదాహరణలు అన్నారు.
|
|