ట్రెండింగ్
బాలకృష్ణపై పరుచూరి గోపాలకృష్ణ ప్రశంసలు
cinema | Suryaa Desk | Published : Wed, Feb 05, 2025, 02:23 PM
సినీ రంగానికి బాలకృష్ణ చేసిన సేవలకు కేంద్ర ప్రభుత్వం ఆయనకు పద్మభూషణ్ పురస్కారం ప్రకటించిన విషయం తెలిసిందే. తాజాగా దీనిపై ప్రముఖ రచయిత పరుచూరి గోపాలకృష్ణ ఆనందం వ్యక్తంచేశారు. పరుచూరి పలుకుల్లో భాగంగా ఓ ప్రత్యేక వీడియో విడుదల చేశారు.‘‘పద్మ పురస్కారాలు సామాన్యమైనవి కావు. బాలకృష్ణ కేవలం ఒక నటుడిగానే ఇది సాధించలేదు. ఆయన చేసిన సమాజసేవ, ప్రజా సేవలకు గాను ఈ అవార్డు వరించింది. 50 ఏళ్ల కిత్రం తొలిసారి మేకప్ వేసుకున్నారు. అప్పటినుంచి ఇప్పటివరకు నటుడిగా అంచెలంచెలుగా ఎదుగుతూనే ఉన్నారు. 2014 నుంచి రాజకీయ సేవ చేస్తున్నారు. హిందూపురంలో ఆయన ఎన్ని గొప్ప కార్యక్రమాలు చేస్తున్నారో అందరికీ తెలిసిందే. బసవతారకం క్యాన్సర్ ఆసుపత్రి ద్వారా ఎంతోమందికి ఆయన ప్రాణదానం చేస్తున్నారు. ఈ మూడు సేవల కారణంగానే ఆయనకు ఈ అవార్డు వరించిందని నా అభిప్రాయం’’.
|
|