రానా నాయుడు 2 కి సర్వం సిద్ధం
cinema | Suryaa Desk | Published : Wed, Feb 05, 2025, 03:13 PM
ఓటీటీ అందుబాటులోకి వచ్చాక ఎంటర్టైన్మెంట్కు కొదవే లేదు. సినిమా థియేటర్కే వెళ్లి సినిమా చూడాలన్న రూలూ లేదు. అరచేతిలో ప్రపంచ సినిమా చూసేయొచ్చు. అంతా డిజిటల్లో ఓటీటీ విస్తరించింది. థియేటర్లోలాగే ఓటీటీలొ కూడా వారంవారం కొత్తకొత్త సినిమాలు, సిరీస్లు స్ట్రీమింగ్ అవుతుంటాయి. అగ్ర తారలు సైతం ఓటీటీ సిరీస్లు చేయడానికి ముందడుగు వేస్తున్నారు. ఆ బాటలోనే పలువురు తారలు విభిన్నమైన చిత్రాలు, సిరీస్లు ఓటీటీ ప్లాట్ఫామ్ వేదికగా అలరించడానికి సిద్థమయ్యారు. ఓటీటీ దిగ్గజ సంస్థ నెట్ఫ్లిక్స్ ఈ ప్రాజెక్ట్లకు సంబంధించిన వివరాల్ని ప్రకటించి టీజర్ను విడుదల చేసింది.‘‘రానాను ఆపగలిగేది అతని తండ్రి మాత్రమే’’ అంటూ ‘రానా నాయుడు’ మరోసారి ఓటీటీ వీక్షకులు ముందుకు రానున్నారు. క్రేౖమ్, యాక్షన్ నేపథ్యంలో రూపొంది విజయవంతమైన వెబ్సిరీస్ ‘రానా నాయుడు’. వెంకటేశ్, రానా ప్రధానా పాత్రల్లో నటించిన ఈ సిరీస్ ఎన్ని విమర్శలు ఎదురైనా ఓటీటీలో సత్తా చాటింది. దీనికి కొనసాగింపుగా సీజన్ 2 రాబోతున్న సంగతి తెలిసిందే. తాజాగా ‘రానా నాయుడు 2’ను అధికారికంగా ప్రకటిస్తూ.. ఇన్స్టా వేదికగా టీజర్ను విడుదల చేసింది నెట్ఫ్లిక్స్. ‘‘ఇప్పుడు విధ్వంసం మొదలవబోతుంది మామ. ఎందుకంటే ఇది రానా నాయుడు స్టైల్’’ అని వాఖ్యల్ని జోడించింది. కరణ్ అన్షుమాన్, సుపర్ణ్ వర్మ రూపొందిస్తున్న సిరీస్ ఇది.
|
|