అనిల్శర్మ తీరును తప్పుపడుతూ సినిమా స్టోరీ నరేషన్ వీడియోలు బయటపెట్టిన అమీషా పటేల్
cinema | Suryaa Desk | Published : Fri, Feb 14, 2025, 04:10 PM
బాలీవుడ్ నటి అమీషా పటేల్, డైరెక్టర్ అనిల్ శర్మ మధ్య గదర్–2 విషయంలో వివాదం నెలకొన్న సంగతి తెలిసిందే. ఈ క్రమంలో అనిల్శర్మ తీరును తప్పుపడుతూ సినిమా స్టోరీ నరేషన్కు సంబంధించిన కొన్ని వీడియోలను ఆమె సోషల్మీడియాలో షేర్ చేశారు. ఇప్పుడు ఆయన ఏం సమాధానం చెబుతారంటూ ప్రశ్నించారు. అయితే ఆమెకు చెప్పిన కథలో క్లైమాక్స్ ఒకటని, ఇప్పుడు మాత్రం ఆయన వేరే విధంగా అంటున్నారని ఆరోపించారు.‘గదర్ ఏక్ ప్రేమ్కథ’కు సీక్వెల్గా ‘గదర్ 2’ తెరకెక్కింది. పీరియాడిక్ యాక్షన్ డ్రామాగా ఇది రూపుదిద్దుకుంది. సన్నీదేవోల్, అమీషా పటేల్ ప్రధాన పాత్రలు పోషించారు. గతేడాది విడుదలై ఘన విజయాన్ని అందుకుంది. తనకు మాట మాత్రం చెప్పకుండా దర్శకుడు సినిమా క్లైమాక్స్ మార్చేశారని ఓ ఇంటర్వ్యూలో అమీషా అన్నారు. ‘‘ప్రతి నాయకుడి పాత్రను సకీనానే (అమీషా పటేల్ పాత్ర పేరు) చంపాలని తొలుత ఆయన రాసుకున్నారు. అది నాకెంతో నచ్చింది. కానీ షూట్కు వచ్చేసరికి అనిల్ సీన్ మార్చేశారు. ప్రతినాయకుడి పాత్రను చరణ్జీత్ (అనిల్ శర్మ తనయుడు ఉత్కర్ష్ శర్మ పాత్ర) చంపేలా క్రియేట్ చేశారు. షూట్ జరిగేవరకూ ఆ విషయం నాక్కూడా తెలియదు’’ అని అన్నారు.
|
|