వాలెంటైన్స్ డే స్పెషల్... 'హరిహర వీరమల్లు' నుంచి బిగ్ అప్డేట్
cinema | Suryaa Desk | Published : Fri, Feb 14, 2025, 04:40 PM
క్రిష్ దర్శకత్వంలో పవర్ స్టార్ పవన్ కళ్యాణ్ కథానాయకుడిగా నటిస్తున్న 'హరిహర వీరమల్లు' సినిమా నుంచి ప్రేమికుల రోజు సందర్భంగా బిగ్ అప్డేట్ వచ్చింది. ఈ సినిమా సెకండ్ సింగిల్ విడుదల తేదీని టీమ్ ప్రకటించారు. 'కొల్లగొట్టిందిరో' అంటూ సాగే.. రొమాంటిక్ సాంగ్ను ఫిబ్రవరి 24న మధ్యాహ్నం 3 గంటలకు విడుదల చేయనున్నట్లు మేకర్స్ తెలిపారు. ఈ మేరకు పవన్, నిధి అగర్వాల్లతో కూడిన పోస్టర్ను విడుదల చేశారు.కాగా, పవన్ కల్యాణ్ హీరోగా పీరియాడిక్ యాక్షన్ అడ్వెంచర్ మూవీగా 'హరిహర వీరమల్లు'.. క్రిష్ జాగర్లమూడి, జ్యోతికృష్ణ దర్శకత్వంలో రూపుందుతోంది. అయితే, క్రిష్ సినిమాకు సగానికి పైగా దర్శకత్వం వహించారు. కొన్ని కారణాల వల్ల ఆయన తప్పుకోవడంతో మిగిలిన భాగానికి నిర్మాత ఏఎం రత్నం కుమారుడు జ్యోతికృష్ణ దర్శకత్వం వహిస్తున్నారు. 2 భాగాలుగా ఈ చిత్రాన్ని తెరకెక్కిస్తున్నారు. రెండో పార్ట్ మొత్తాన్ని జ్యోతికృష్ణ తెరకెక్కిస్తారు. ఆస్కార్ విన్నింగ్ మ్యూజిక్ డైరెక్టర్ కీరవాణి సంగీతం అందిస్తున్నారు. మెగా సూర్య ప్రొడక్షన్స్ బ్యానర్పై మూవీ నిర్మిస్తుండగా.. అనుపమ్ ఖేర్, బాబీ దేవోల్, నిధి అగర్వాల్, నోరాహి ఫతేహి, విక్రమ్ జీత్, జిషుసేన్ గుప్తా కీలక పాత్రలు పోషిస్తున్నారు.
|
|