ట్రెండింగ్
రష్మిక వ్యాఖ్యలపై కన్నడ వాసుల ఆగ్రహం
cinema | Suryaa Desk | Published : Sat, Feb 15, 2025, 12:48 PM
టాలీవుడ్తో పాటు బాలీవుడ్లోనూ వరుస ఆఫర్లతో రష్మిక దూసుకుపోతోంది. తాజాగా ఆమె నటించిన ‘ఛావా’ కూడా హిట్ టాక్ సొంతం చేసుకుంది. ఈ క్రమంలో ఇటీవల ముంబాయి జరిగిన ఓ ఈవెంట్లో ఆమె చేసిన వ్యాఖ్యలపై కన్నడ వాసులు ఆగ్రహం వ్యక్తం చేస్తున్నారు. తాను హైదరాబాద్ నుంచి వచ్చినా.. తనపై ఇంత ప్రేమాభిమానాలు చూపించడం ఆనందంగా ఉందని పేర్కొన్నారు. అయితే రష్మిక సొంతూరు కర్ణాటకలోని విరాజ్ పేట్ కావడంతో హైదరాబాద్ అని చెప్పడంపై మండిపడుతున్నారు.సొంతూరు విరాజ్పేట గురించి చెప్పకపోవడాన్ని కన్నడ వాసులు సోషల్ మీడియాలో తప్పుపడుతున్నారు. కర్ణాటకకు చెందిన రష్మిక ఎప్పుడు హైదరాబాదీ అయిందో చెప్పాలని నెట్టింట పోస్టులు పెడుతున్నారు. ఇప్పటికే కన్నడలో ఆమె సినిమాలు చేయకపోవడం పట్ల కూడా కన్నడిగులు తీవ్ర అసహనం వ్యక్తం చేస్తున్న విషయం తెలిసిందే.
|
|