స్టార్‌ మా మూవీస్‌లో సండే స్పెషల్ మూవీస్

ధమాకా: టాలీవుడ్ మాస్ మహారాజ్ రవితేజ నటించిన 'ధమాకా' సినిమా బాక్సాఫీస్ వద్ద సంచలన బ్లాక్ బస్టర్ గా నిలిచింది. త్రినాథరావు నక్కిన దర్శకత్వం వహించిన ఈ చిత్రంలో శ్రీలీల కథానాయికగా నటించింది. తాజా వార్త ఏమిటంటే, ఈ సినిమా వరల్డ్ టెలివిజన్ ప్రీమియర్ ఫిబ్రవరి 23న ఉదయం 8:30 గంటలకు స్టార్ మా ఛానల్ లో ప్రదర్శించబడుతుంది. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్లపై టిజి విశ్వప్రసాద్, వివేక్ కూచిభొట్ల ధమాకా చిత్రాన్ని నిర్మించారు. భీమ్స్ సిసిరోలియో ఈ చిత్రానికి స్వరాలు సమకూర్చారు. ఈ సినిమాలో జయరామ్, సచిన్ ఖేడేకర్, రావు రమేష్, తనికెళ్ల భరణి, హైపర్ ఆది కీలక పాత్రలు పోషించారు.

అమరన్‌: రాజ్‌కుమార్ పెరియసామి దర్శకత్వంలో కోలీవుడ్ స్టార్ నటుడు శివ కార్తికేయన్‌ నటించిన 'అమరన్‌' 2024లో తమిళ సినిమాల్లో కొత్త రికార్డును సృష్టించింది. ఈ బయోగ్రాఫికల్ డ్రామా యొక్క శాటిలైట్ రైట్స్ ని ప్రముఖ ఎంటర్టైన్మెంట్ చానెల్ స్టార్ మా సొంతం చేసుకున్న సంగతి అందరికి తెలిసిందే. తాజాగా ఇప్పుడు ఈ చిత్రం ఫిబ్రవరి 23న సాయంత్రం 5:30 గంటలకి స్మాల్ స్క్రీన్ పై ఎంట్రీ ఇవ్వనున్నట్లు సమాచారం. రాహుల్ బోస్ మరియు భువన్ అరోరా ఈ చిత్రంలో కీలక పాత్రలో నటిస్తున్నారు. ఈ సినిమా "మేజర్ వరదరాజన్" నుండి ప్రేరణ పొందింది. ప్రొడక్షన్ డిజైనర్ రాజీవ్, సినిమాటోగ్రాఫర్ CH సాయి, ఎడిటర్ R. కలైవానన్ మరియు యాక్షన్ డైరెక్టర్లు అన్బరివ్ మాస్టర్స్‌తో పాటు స్టీఫన్ రిక్టర్‌తో సహా అమరన్ అగ్రశ్రేణి సాంకేతిక బృందంతో ఉంది. జివి ప్రకాష్ కుమార్ సంగీతం అందించిన అమరన్ దేశభక్తి చిత్రం. సోనీ పిక్చర్స్ ఫిల్మ్స్ ఇండియా సహకారంతో రాజ్ కమల్ ఫిల్మ్స్ ఇంటర్నేషనల్ ఈ చిత్రాన్ని నిర్మించారు.